Sīpinga Tuʻuaki

Ko e Taua Leʻo Sanuali-Fepueli

“ʻOku loto ʻa e tokotaha kotoa ke fiefia ka ʻoku ʻikai ke pehē ʻa e tokolahi. ʻOku nō paʻanga ʻa e tokolahi ke fakatau mai ha ngaahi meʻa fakamatelie ke nau fiefia ai. Ko e hā nai hoʻo fakakaukau fekauʻaki mo e nō paʻangá? ʻOku ʻomai ʻe he Tohi Tapú ha tefitoʻi moʻoni lelei ke tokoniʻi kitautolu fekauʻaki mo e tuʻungá ni. [Lau ʻa e 1 Tīmote 6:6.] Ko e kupu ʻa ia ʻoku fakakaveinga ‘ʻOku Totonu Ke U Nō Paʻanga?’ te ne tokoniʻi kitautolu ke tau maʻu ha vakai mafamafatatau fekauʻaki mo e nō paʻangá.”