Faiako Pōtoʻí, Fiemaʻu ʻa e Teuteu

Naʻe ʻeke tuʻo ua kia Sīsū ʻa e fehuʻi tatau ʻo fekauʻaki mo e moʻui taʻengatá, ka ʻi he taimi taki taha naʻá ne feʻunuʻaki ʻene talí ki he fiemaʻu ʻa e tokotaha fehuʻí. (Luke 10:25-28; 18:18-20) Ko ia ai, neongo ʻoku tau ʻiloʻi lelei ʻa e ʻū tohi ako Tohi Tapú, ʻoku totonu ke tau teuteu ia ki muʻa pea fakakaukau ki he tokotaha akó. Ko e hā ʻa e ngaahi poini ʻe faingataʻa ke ne mahinoʻi pe ngāueʻakí? Ko e hā ʻa e ngaahi veesi ʻoku totonu ke tau lau ange kiate iá? Ko e hā e lahi ʻo e fakamatala ʻoku totonu ke tau lāulea ki aí? ʻE fiemaʻu nai ke tau teuteu ha talanoa fakatātā, pe ko ha fakamatala, pe ko ha ngaahi fehuʻi ke tokoniʻi ʻa e tokotaha akó ke mahinoʻi ʻa e fakamatalá. Tānaki atu ki aí, koeʻuhi ko Sihova ʻokú ne ʻai ke tupu ʻa e tenga ʻo e moʻoní ʻi he lotó, ʻoku totonu ke tau kole kia Sihova ke ne tāpuakiʻi ʻetau teuteu ki he akó, ʻetau tokotaha akó mo ʻetau ngaahi feinga ke tokoniʻi fakalaumālie iá.—1 Kol. 3:6; Sēm. 1:5.