Feingangāue Tufa Tohi Fakaafe ki he Fakataha-Lahí

ʻI he taʻu taki taha, ʻoku tau fakatuʻamelie atu ki ha kātoanga kai fakalaumālie te tau maʻu ʻi heʻetau fakataha-lahi fakaevahefonuá. Koeʻuhi ke lava ʻa e niʻihi kehé ke nau vakai ki he lelei ʻa Sihová, te tau fakaafeʻi ʻa e tokolahi te tau lavá ke kau mo kitautolu. (Saame 34:8, PM) ʻE fakapapauʻi ʻe he kulupu ʻo e kau mātuʻá ʻa e founga lelei taha ʻe ala lave ke tufaki atu ai ʻa e tohi fakaafe ko ení.

NGAAHI MEʻA KE MANATUʻÍ

• ʻE fakahoko fakakū ʻemau fakataha-lahí?

• ʻE kamata fakakū ʻa e feingangāue fakalotofonuá?

• Ko e hā ʻa e taimi ki he ngaahi fakataha malanga fakalotofonuá?

• Ko e hā ʻeku ngaahi taumuʻa ki he feingangāué?

• Ko hai ʻoku ou fokotuʻutuʻu ke fakaafeʻí?

KO E HĀ TE KE LEAʻAKÍ?

Hili ʻa e lea fakafeʻiloaki anga-mahení, te ke pehē nai:

“ʻOku mau kau ki ha feingangāue fakaemāmanilahi ke tufaki ʻa e tohi fakaafe ko ení ki ha kātoanga mahuʻinga ʻaupito. Ko e ʻahó, taimí mo e feituʻú ʻoku hā ia ʻi he tohi fakaafe ko ení. ʻOku mau fiefia kapau te ke lava mai.”

ʻE LAVA FĒFĒ KE KE FAKATUPULEKINA HA MAHUʻINGAʻIA?

Neongo ʻoku tau loto ke fakaafeʻi ʻa e tokolahi taha te tau lavá ki he fakataha-lahí, ʻoku totonu ke tau tokanga ke fakatupulekina ha faʻahinga mahuʻingaʻia.

ʻI he fakaʻosinga ʻo e uiké, ʻe lava ke ke tuʻuaki ʻa e makasiní fakataha mo e tohi fakaafé.