Manatuʻi ke Lotu Maʻá e Kau Kalisitiane ʻOku Fakatangaʻí

Naʻe kikiteʻi ʻe he Tohi Tapú ʻe fakatangaʻi kitautolu ʻe Sētane ko e feinga ke fakafaingataʻaʻiaʻi ʻetau ngāue fakafaifekaú. (Sione 15:20; Fkh. 12:17) ʻE lava fēfē ke tau tokoni ki he kaungā Kalisitiane ʻoku nau faingataʻaʻia hono fakatangaʻi ʻi he ngaahi fonua kehé? ʻE lava ke tau lotu maʻa kinautolu. “Ko e hū tōtōaki ʻa ha tangata māʻoniʻoni ʻoku mālohi mo ola lelei ia.”—Sēm. 5:16.

Ko e hā ʻoku lava ke tau lotu fekauʻaki mo iá? ʻE lava ke tau kole kia Sihova ke ʻoange ki hotau fanga tokouá mo e fanga tuofāfiné ha mālohi ke tokoniʻi kinautolu ke ʻoua ʻe manavahē. (ʻAi. 41:10-13) ʻOku lava foki ke tau lotu maʻá e kau maʻu mafaí ke nau fiemālie pē fekauʻaki mo e ngāue fakamalangá, “koeʻuhi ke tau hoko atu ai ʻi ha moʻui nonga mo fiemālie.”—1 Tīm. 2:1, 2. 

ʻI he taimi naʻe fakatangaʻi ai ʻa Paula mo Pitá ko e kau Kalisitiane ʻi he ʻuluaki senitulí naʻa nau ngāueʻaki hona hingoá ʻi heʻenau lotú. (Ngā. 12:5; Loma 15:30, 31) Neongo ʻoku ʻikai lava ke tau ʻiloʻi ʻa e kotoa ʻa e hingoa ʻo e faʻahinga ʻoku fakatangaʻi ʻi he ʻaho ní, ʻe lava ke tau lave ki heʻenau fakatahaʻangá, fonuá pe feituʻú?

Hikiʻi hifo ʻa e ngaahi fonua ʻoku fakatangaʻi ai ʻa e kau Kalisitiné ʻa ia ʻokú ke loto ke fakakau ʻi hoʻo lotú.