MOʻUI KO HA KALISITIANE
ʻUlungaanga Lelei ʻi he Matapaá
Ko e kau Kalisitiané “ko ha mamataʻanga ki he māmaní.” (1 Kol. 4:9) Ko ia ai, ʻoku ʻikai fakaʻohovale kiate kitautolu ko e faʻahinga ʻe niʻihi ʻi he ngaahi ʻapí te nau fakasio mai kiate kitautolu ʻi he matapā sioʻatá pe fanongo mai mei he tuʻa matapaá. ʻOku ʻi he ʻapí nai ha meʻa faitā sikiulitī mo ha maika ʻo lava ai ʻa e tokotaha-ʻapí ke sio mai, fanongo, mo lēkooti kitautolu. Ko e ngaahi founga eni ʻe niʻihi ke fakahāhā ai ʻa e ʻulungaanga leleí ʻi he matapaá.—2 Kol. 6:3.
ʻAKI HO ʻULUNGĀNGÁ (Fil. 1:27):
Tokaʻi ʻa e totonu ke ʻoua ʻe fakahohaʻasi ʻa e tokotaha-ʻapí ʻaki ʻa e ʻikai ke fakasiosio ki loto ki he ʻapí. ʻOua ʻe kai, inu, telefoni pe ʻave pōpoaki lolotonga ʻa e tuʻu ʻi he matapaá
ʻAKI HOʻO LEÁ (ʻEf. 4:29):
Lolotonga ʻete ʻi he matapaá, ʻoua ʻe leaʻaki ha meʻa ʻa ia ʻe ʻikai te ke loto ke fanongo ki ai ʻa e tokotaha-ʻapí. Ko e kau malanga ʻe niʻihi te nau taʻofi ʻosi ha fetalanoaʻaki koeʻuhi ke tuku taha ʻenau fakakaukaú ki he meʻa ʻoku nau loto ke leaʻakí