Akoʻi Kinautolu ke Hokohoko Atu ʻEnau Tauhi kia Sihová

ʻOku fakahaaʻi ʻe he meʻa ʻoku hokosiá ko e kau malanga foʻou ko ia ʻoku akoʻi mei he kamataʻangá pē ke nau kau tuʻumaʻu mo faivelenga ʻi he ngāue fakafaifekaú ʻoku nau faʻa hoko ko e kau malanga ola lelei ange. (Pal. 22:6; Fil. 3:16) Ko ha ngaahi fokotuʻu eni ki he founga ʻe lava ke ke tokoniʻi ai ha tokotaha ako ke ne fokotuʻu ha makatuʻunga lelei ki he ngāue fakafaifekaú:

• ʻI hono tali pē hoʻo tokotaha akó ke hoko ko ha tokotaha malangá, kamata hono akoʻi iá. (km 8/15 1) ʻAi ke maongo kiate ia ʻa e mahuʻinga ʻo hono ʻai ʻa e ngāue fakafaifekaú ko ha konga ʻo ʻene founga tuʻumaʻu fakauiké. (Fil. 1:10) ʻAi ke langa hake hoʻo fakamatala ʻo fekauʻaki mo e vāhenga-ngāué. (Fil. 4:8) Fakalototoʻaʻi ia ke ngāue fakataha mo e ʻovasia kulupú mo e kau malanga kehé koeʻuhi ke ne maʻu ʻaonga mei heʻenau taukeí.—Pal. 1:5; km 10/12 6 ¶3

  

• ʻI he hili ʻa e papitaiso hoʻo tokotaha akó, ʻoua ʻe taʻofi hono fakalototoʻaʻi ia mo akoʻi ia ʻi he ngāue fakafaifekaú, tautefito kapau ʻoku teʻeki ai ke ʻosi ʻa e tohi ʻOfa ʻa e ʻOtuá.—km 12/13 7

  

• Ngāueʻaki ha tuʻuaki faingofua ʻi he ngāue ʻi he ngāue fakafaifekaú mo ha tokotaha malanga foʻoú. ʻI he hili ʻa e fanongo ki heʻene tuʻuakí, ʻoatu ha fakaongoongolelei. ʻOatu ha ngaahi fokotuʻu ke tokoniʻi ai ia ke ne ola lelei ange.—km 5/10 7