ʻAonga ʻi Māmani Lahi ʻo e Faifakamoʻoni ʻAki ʻa e Papa Tuʻuaki-Tohi Fakavaʻé

Fakatatau ki he Ngāue vahe 5, naʻe ō ʻa e kau Kalisitiane ʻo e ʻuluaki senitulí ki he temipalé, ko ha feituʻu naʻe lava ke maʻu ai ʻa e kakaí, koeʻuhí ke vahevahe atu ʻa e ongoongo leleí. (Ngā. 5:19-21, 42) ʻI he ʻahó ni, kuo tau sio ki ha ngaahi ola lelei ʻo e faifakamoʻoni ʻi he ngaahi feituʻu kakaí ʻo ngāueʻaki ʻa e papa tuʻuaki-tohi fakavaʻé.

SIO ʻI HE VITIŌ ʻAONGA ʻI MĀMANI LAHI ʻO E FAIFAKAMOʻONI ʻAKI ʻA E PAPA TUʻUAKI-TOHI FAKAVAʻÉ, PEA TALI LEVA ʻA E NGAAHI FEHUʻI KO ENÍ:

• 

  Naʻe kamata ʻanefē pea anga-fēfē ʻa e faifakamoʻoni ʻo ngāueʻaki ʻa e papa tuʻuaki-tohí?

• Ko e hā ʻoku faʻa ola lelei ange ai hono ngāueʻaki ʻa e papa tuʻuaki-tohí ʻi hono ngāueʻaki ʻa e tēpilé?

• Ko e hā ʻoku lava ke tau ako mei he hokosia ʻa Mi Jung You?

• ʻOku anga-fēfē hono fakahaaʻi mai ʻe he hokosia ʻa Jacob Salomé ʻa e mahuʻinga ʻo e faifakamoʻoni ʻo ngāueʻaki ʻa e papa tuʻuaki-tohí?

• Ko e hā ʻoku akoʻi mai ʻe he hokosia ʻa Annies mo hono husepānití ki he founga ʻoku ola lelei ai ʻa hono ngāueʻaki ʻa e papa tuʻuaki-tohí?