Akoʻi ʻa e Kau Ako Tohi Tapú Ke Nau Fafangaʻi Fakalaumālie Kinautolu

Ke tokoniʻi ʻa e kau ako Tohi Tapú ke ʻiloʻi ʻa Sihova pea hoko ko e kau Kalisitiane matuʻotuʻá, kuo pau kiate kinautolu ke ako ʻa e meʻa lahi ange ʻo e moʻoní ʻi he meʻa ʻoku tau akoʻi ange kiate kinautolú. (Māt. 5:3; Hep. 5:12–6:2) Kuo pau ke nau toe ako ki he founga ke nau fafangaʻi fakalaumālie pē kinautolú.

Mei he kamata pē ʻo e akó fakahaaʻi ki hoʻo tokotaha ako Tohi Tapú ʻa e founga ke teuteu ai ki he ako Tohi Tapú pea fakalototoʻaʻi kinautolu ke fai ia. (mwb18.03 6) Fakalototoʻaʻi kinautolu ke lotu ki muʻa ʻi he taimi kotoa ʻoku nau fai ai ʻenau ako fakafoʻituituí. Tokoniʻi kinautolu ke maʻu pea ngāueʻaki ʻa e ngaahi meʻangāue fakaefekumí ki he akó. Tokoniʻi kinautolu ki he founga hono maʻu ʻa e ngaahi meʻa foʻou ʻi he jw.org mo e JW Broadcasting^®. Akoʻi hokohoko kinautolu ke lau ʻa e Tohi Tapú ʻi he ʻaho kotoa, ke teuteu ki he ngaahi fakataha ʻa e fakatahaʻangá, pea fai ha fekumi ki he ngaahi tali ki heʻenau ngaahi fehuʻí. Tokoniʻi kinautolu ke fakalaulauloto ki he meʻa ʻoku nau akó.

SIO ʻI HE VITIŌ TOKONIʻI HOʻO KAU AKO TOHI TAPÚ KE NAU FAFANGAʻI FAKALAUMĀLIE KINAUTOLU, PEA TALI LEVA ʻA E NGAAHI FEHUʻI KO ENÍ:

• 

  Naʻe anga-fēfē hono tokoniʻi ʻe Nita ʻa Lose ke ʻiloʻi ko e akó ʻoku kaunga ki ai ʻa e meʻa lahi ange ʻi hono ʻiloʻi pē ʻa e ngaahi talí?

• 

  Ko e hā naʻá ne tokoniʻi ʻa Lose ke tuipau ʻoku tonu ʻa Sihova ʻi hono tapui ʻa e fehokotaki fakasino taʻetāú?

• 

  Ko e hā naʻe hoko ʻo mahinoʻi ʻa Lose ʻo fekauʻaki mo e fakalaulaulotó?