Manatuʻi ʻa e Konga Tohi Tapú

Kuó ke fāinga ke manatuʻi ha veesi Tohi Tapu ʻokú ke manako ai? Mahalo ko ha veesi ʻokú ne fakafiemālieʻi koe, tokoniʻi koe ke ikuʻi ʻa e ngaahi fakakaukau halá pe ʻokú ke loto ke vahevahe ki ha taha. (Saame 119:​11, 111) Ko e niʻihi eni ʻo e ngaahi fokotuʻu te ne tokoniʻi koe ke manatuʻi ʻa e ngaahi konga Tohi Tapú.

• Ngāueʻaki ʻa e JW Library^® app. Faʻu ha leipolo “Veesi Tohi Tapu Manakó,” pea tauhi ʻi he konga ko ení ha veesi Tohi Tapu pē ʻokú ke loto ke manatuʻi.

• Tuku ʻa e veesi Tohi Tapú ʻi ha feituʻu ʻe lava ke ke sio ki ai. Hikiʻi ʻa e veesi ʻokú ke loto ke manatuʻí ʻi ha kiʻi lauʻi pepa, pea tuku ia ʻi ha feituʻu te ke toutou sio ki ai. Ko e niʻihi ʻoku nau fakapipiki ia ʻi heʻenau sioʻatá; ko e niʻihi ʻoku nau fakapipiki ia ʻi heʻenau ʻaisí. Ko e niʻihi ia ʻoku nau faitaaʻi ʻa e veesi Tohi Tapú pea ʻai ko e laʻitā teuteu ʻenau komipiutá pe meʻangāue fakaʻilekitulōniká ʻi hono fakamoʻui haké.

• Faʻu mo ngāueʻaki ʻa e fanga kiʻi kaati. Hiki ʻa e vahé mo e vēsí ʻi he tafaʻaki ʻe taha pea hiki ʻa e fakalea ʻo e konga Tohi Tapú ʻi he tafaʻaki ʻe tahá. Pea ngāueʻaki ʻa e vahé mo e vēsí ke mateʻi ʻaki ʻa e fakaleá pe ngāueʻaki ʻa e fakaleá ke mateʻi ʻaki ʻa e vahé mo e vēsí.