AKO 4

Fakahoko Totonu ʻo e Ngaahi Konga Tohi Tapú

Mātiu 22:41-45

MEʻA KE FAÍ: Teuʻi ʻa e ʻatamai ʻa hoʻo kau fanongó ki muʻa ke ke lau ha konga Tohi Tapu.

Fakakaukau ki he ʻuhinga ʻokú ke lau ai ʻa e konga Tohi Tapú. Fakahaaʻi ʻa e konga Tohi Tapu taki taha ʻi ha founga te ne tohoakiʻi mai ʻa e tokanga ʻa hoʻo kau fanongó ki he poini tefito ʻokú ke feinga ke fakamamafaʻi ʻi he vēsí.

Vakai ki he potutohí. Kapau ʻokú ke lau ha konga Tohi Tapu pea lave ki he tokotaha ʻoku leá pe ko e tokotaha naʻá ne hiki iá, fakapapauʻi ʻoku tonu ʻa e meʻa ʻokú ke leaʻakí.
Lave ki he Tohi Tapú ko e mafaí ia. ʻI hoʻo lea ki he kakai ʻoku nau tui ki he ʻOtuá, tohoakiʻi ʻa e tokangá ki he Tohi Tapú ko e Folofola ia ʻa e ʻOtuá, ʻi he foungá ni ʻokú ke fakahaaʻi ai ko e matavai māʻolunga taha ia ʻo e potó.
Langaʻi ʻa e mahuʻingaʻia ʻi he konga Tohi Tapú. ʻEke ha fehuʻi ʻe tali ʻi he konga Tohi Tapú, lave ki ha palopalema ʻe tokoni ʻa e konga Tohi Tapú ke fakaleleiʻi pe fakahaaʻi ha tefitoʻi moʻoni ʻe fakatātaaʻi ʻi he fakamatala Fakatohitapú.

Fakakaukau ki he meʻa ʻoku ʻosi ʻiloʻi ʻe hoʻo kau fanongó fekauʻaki mo e kaveingá mo e konga Tohi Tapú. Fakahaaʻi naʻa mo ha potutohi anga-maheni ʻi ha founga fakamānako pea tokoniʻi ʻa hoʻo kau fanongó ke nau toe fakakaukau ki ai.