Taki Atu ʻa e Talatupuʻa ki ha Toe Talatupuʻa
“MOU vakai,” ko e tohi ia ʻa e ʻapositolo ko Paulá ki he kau Kalisitiane naʻe moʻui ʻi he konga fakaʻosi ʻo e ʻuluaki senituli T.S. Ko e fakatokangá ki he hā? “Naʻa faifai pea ai ha taha, te ne fai ʻaki ʻene poto fiefilosefa, ʻa ia ko e koto muna mo e kākā, ʻo ne holataki kimoutolu ʻi he ʻalunga ʻo e ngaahi tuʻutuʻuni fakaeonoʻaho ʻa e kakai.”—Kolose 2:8.
Neongo e fakatokanga ʻa Paulá, mei he vaeuaʻanga ʻo e senituli hono ua T.S., naʻe kamata ke ngāueʻaki ai ʻe he kau Kalisitiane ʻe niʻihi ʻa e ngaahi fakakaukau naʻe maʻu mei he kau filōsefa ʻo e kuonga muʻá koeʻuhi ke fakamatalaʻiʻaki ʻa ʻenau tuí. Ko e hā hono ʻuhingá? Naʻa nau loto ke tali kinautolu ʻe he kakai poto ʻo e ʻEmipaea Lomá pea hoko ai ʻo fakaului ha tokolahi.
Ko Sasitini Maʻata, ʻa e taha ʻo e faʻahinga ʻiloa taha ʻi he kau Kalisitiane ko ení, naʻá ne tui ko e Tangata-Lea ʻa e ʻOtuá kuó ne fakahaaʻi ia tonu ki he kau filōsefa Kalisí ki muʻa fuoloa ia ʻi he aʻu mai ʻa Sīsuú. Fakatatau kia Sasitini mo e kau faiako fakakaukau tataú, ko e tokoni ʻa e filōsofiá mo e talatupuʻá ki he lotu faka-Kalisitiané naʻá ne ʻai ʻa e founga lotu ko ení ke fakalato ai ʻa e fiemaʻu kotoa.
Ko e founga lotu faka-Kalisitiane ʻa Sasitini Maʻatá naʻe hoko ʻo lavameʻa ʻaupito ia ʻi hono maʻu ai ʻa e kau uluí. Kae kehe, ko e ohi ʻo e talatupuʻa ʻe tahá naʻe toe tupu ai ʻa e talatupuʻa kehe pea faʻu ai ʻa e meʻa ʻoku fai e tui lahi ki ai he taimí ni ko e tokāteline faka-Kalisitiané. Ke fakaeʻa ʻa e ngaahi talatupuʻa ko ení, fakahoa ʻa e meʻa ʻoku lau ki ai ʻa e ngaahi tohi hokó mo e meʻa ʻoku akoʻi moʻoni ʻe he Tohi Tapú.
[Fakatātā ʻi he peesi 3]
[Maʻuʻanga Tā ʻi he peesi 3]
Tēvolo: Barrators—Giampolo/The Doré Illustrations For Dante’s Divine Comedy/Dover Publications Inc.; kau ʻāngelo: Art Resource, NY;fakatātā ʻo e tolu-tahaʻi-ʻotua: Museo Bardini, Florence