Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonakí ʻi Sanuali

“ʻOkú ke pehē ʻoku fiefia lahi ange ʻa e kakai ko ē ʻoku nau feinga ke talangofua ki he ʻOtuá? [Tuku ke ne tali.] ʻOku ʻomai he kupu ko ení ha ngaahi poini mahuʻinga.” ʻOange ki he tokotaha-ʻapí ha tatau ʻo e ʻīsiu ʻo Sanuali-Maʻasi ʻo e Taua Leʻo, pea lau mo lāulea fakataha ki he fakamatala ʻi lalo he taha ʻo e ngaahi ʻuluʻi kaveinga ʻi he peesi 16-17. Lau ʻo ʻikai siʻi hifo he konga Tohi Tapu ʻe taha. Tuʻuaki ʻa e ongo makasiní, pea fokotuʻutuʻu ke toe foki ange ke lāulea ki he tali ʻo e fehuʻi hono hokó.

Ko e Taua Leʻo Sanuali-Maʻasi

“Kuó ke fifili ʻi ha taimi ki he ʻuhinga kuo lahi pehē fau ai ki muí ni ʻa e ngaahi fakatamaki fakanatulá? [Tuku ke ne tali.] ʻOku mahuʻingá he naʻe tomuʻa tala ʻe he Tohi Tapú ha taimi ʻa ia ʻe fakaʻilongaʻiʻaki ha ngaahi fakatamaki. [Lau ʻa e Mātiu 24:7, 8.] Ko e makasini ko ení ʻokú ne tali e ngaahi fehuʻi ko ení: Ko e hā ʻoku tau sio ai ki he ngaahi fakatamaki fakanatula lahi fau he ʻaho ní? Ko ha tautea ia mei he ʻOtuá? Ko e hā e ngaahi ʻuhinga ke tui ai kuo vavé ni ke fakangata ʻe he ʻOtuá ʻa e fakatamaki fakanatulá kotoa?”

ʻA Hake! Sanuali-Maʻasi

“ʻOku mau ʻaʻahi mai he ʻaho ní ko ha ngāue tokoni ki he ngaahi fāmilí. ʻOkú ke pehē ko e hā ʻa e palopalema lahi taha ʻoku fehangahangai mo e mātuʻá he ʻahó ni ʻi hono tauhi hake ʻo e fānaú? [Tuku ke ne tali.] ʻOku falala ʻa e mātuʻa tokolahi ki he Tohi Tapú ki ha faleʻi. Ko e fakatātaá, ko e ngaahi lea fakapotopotó ni ʻoku ʻaonga lahi ʻi hono akonakiʻi ʻa e fānaú. [Lau ʻa e ʻEfesō 4:31.] ʻOku fakahā ʻi he makasini ko ení ʻa e founga ʻe lava ai ʻe he faleʻi ʻa e Tohi Tapú ʻo tokoniʻi ʻa e mātuʻá ʻi he tuʻunga taki taha ʻo e tupu hake ʻenau fānaú, mei he kei valevalé ki he talavoú.”