“Ndingaŵerengese Wuli Nyengu mu Uteŵeti?”

Kumbi mukujifumbapu fumbu lenili? Ulongozgi wa mo tingaziŵiya nyengu yo tamaliya mu uteŵeti usanirika m’buku la Gulu, pa peji 86 ndi 87. Ndipu nyengu zinyaki asazgiyapu ulongozgi, nge wo we pa Bokosi la Mafumbu mu Uteŵeti Widu wa Ufumu wa 2008 wa Chichewa. Chinanga wuli vakuchitika vipambanapambana, kweni tikupaskika ulongozgi wosi cha wa mo tingachitiya. Mwaviyo, nkhwakwenere cha kuti ŵara pamwenga ŵanthu anyaki asazgiyepu ulongozgi unyaki pa ulongozgi wo ukuperekeka.

Asani mwe ndi fumbu ndipu palivi ulongozgi wewosi wakulembeka wakukwaskana ndi nkhani yo, mupharazgi weyosi wajifumbi mafumbu yanga: Kumbi nyengu yo ndikhumba kulemba ndinguyigwiriskiya nchitu nde mu uteŵeti? Pamwenga ndachitanga vinthu vinyaki vambula kukoliyana ndi uteŵeti? Nyengu yo tilemba pa lipoti lidu la uteŵeti wakumunda mwezi wewosi, yitenere kutipaska likondwa m’malu mwakuti tisuzgiki ndi njuŵi. (Machi. 23:⁠1) Chinthu chakukhumbika ukongwa ndi nyengu cha, kweni mo nyengu yo titiyigwiriskiya nchitu mwaphamphu mu uteŵeti.​—⁠Ŵahe. 6:⁠11.