TICHITENGI VINTHU NGE AKHRISTU
Mwaŵi wo Tenawu Wakuzenga ndi Kunoza Malu Ngakusopiyapu
Pakhumbikanga ŵanthu anandi kweniso ndalama zinandi kuti Ayisraele azengi nyumba yakusopiyamu. Ayisraele anguwovya ntchitu iyi ndi mtima wosi. (1 Mik. 29:2-9; 2 Mik. 6:7, 8) Ntchitu iyi yati yamala, Ayisraele akhumbikanga kugwira ntchitu yakunozga mo mwanangika. Vo achitanga pakugwira ntchitu yeniyi vingulongo kuti ayanjanga nadi kusopa. (2 Ŵakar. 22:3-6; 2 Mik. 28:24; 29:3) Mazuŵa nganu, Akhristu agwiriskiya ntchitu nyengu ndi nthazi zawu pa kumanga, kutowesa, ndipuso kunozga Nyumba za Ufumu ndi Malu nga Unganu. Mwaviyo, ndi mwaŵi ukulu ukongwa kugwira ntchitu ndi Yehova kweniso mbuteŵeti wakupaturika kwaku iyu.—Sumu 127:1; Chiv. 7:15.
TINGAWOVYA NTCHITU YENIYI MWA . . .
Kutowesa Nyumba ya Ufumu nyengu zosi asani maunganu ngamala. Asani mungafiska cha, mungatondo ŵaka tiviswaswa po munguja.
Kugwiraku ntchitu yakuphwere ndi kunozga Nyumba ya Ufumu nyengu zosi. Tosi tikhumbika kugwiraku ntchitu yeniyi chifukwa kamiti kapamphara nkhakukoliyanaku.—lv 92 ndimi 18.
Kupereka ndalama. Yehova wakondwa ukongwa asani tipereka ndalama ndi mtima wosi, chinanga yingaja yimana.—Marko 12:41-44.
Kugwiraku ntchitu yakuzenga ndi kunozga malu ngakusopiyapu asani tingafiska. Tingawovya ntchitu yeniyi chinanga kuti techendayichitepu kali.