Mo Tingasazgiyaku Lusu Lidu mu Uteŵeti​—Kupharazga pa Foni Pamwenga pa Intakomu

NTCHIFUKWA WULI NKHWAKUKHUMBIKA?: Mazuŵa nganu, chifukwa cha kuluta panthazi kwa tekinoloje kweniso chifukwa chakuti ankhungu ŵe peposi, ŵanthu anandi aja ndi makamera kweniso intakomu mu nyumba zawu. Tingayamba kuchita mantha kupharazgiya munthu yo isi titimuwona cha. Fundu zo ze mumphata umu zingatiwovya kuti tipharazgengi mwakugwiriskiya ntchitu kamera kweniso intakomu mwachiganga.

MO MUNGACHITIYA:

• Jani ndi maŵanaŵanu ngakwenere. Ŵanthu anandi wo ŵe ndi makamera pamwenga intakomu akhumbisiska kukambiskana nasi

• Kumbukani kuti makamera nganyaki ngatamba kukujambulani mwechendambi belu ndipu mweneku wanyumba wangayamba kukuwonani pamwenga kuvwa vo mukamba asani mwafika waka pafupi ndi nyumba yaki

• Asani mweneku wanyumba wakumukani, yambani kulongoro nayu nge kuti mulongoro nayu masu ndi masu. Mutenere kumwemwete kweniso kupanga majesichala mwakawi. Mukambiyeni vo mungunozgeke kuti mumukambiyengi asani mungakumana nayu masu ndi masu. Asani pe kamera, mungamanga pafupi ukongwa cha ndipu asani mweneku wanyumba wamuka cha mungasiyanga uthenga wewosi cha

• Asani mwamaliza kukambiskana nayu kumbukani kuti mweneku wanyumba wangawona vosi vo muchita pamwenga kuvwa vo mulongoro