TICHITENGI VINTHU NGE AKHRISTU
Tilongongi Nkharu Yamampha Asani Tipharazga
Akhristu ntchinthu “chakuwoneseka mubwalu lamasaza kucharu.” (1 Ŵakor. 4:9) Mwaviyo, tingazizwanga cha asani ŵanthu anyaki atitilingiziya pawindu pamwenga pakhomu asani te mu uteŵeti. Nyumba zinyaki zija ndi makamera ndipuso mayikulofoni kuti mweneku wa nyumba watiwonengi, wavwisiyengi, ndipuso wajambulengi vo tikambisana nayu. Asani veviyo, fundu zo ze mumphata zingakuwovyani kuti mulongongi nkharu yamampha asani mupharazga.—2 Ŵakor. 6:3.
VAKUCHITA VINU (Ŵaf. 1:27):
Mungalingizanga munyumba yaŵeni cha chifukwa angakuwonani kuti mulivi ulemu. Asani mupharazga panyumba ya munthu mungaryanga ndi kumwa chechosi cha pamwenga kumba foni. Kweniso mungatumizanga mameseji cha.
VAKUKAMBA VINU (Ŵaef. 4:29):
Asani mupharazga panyumba ya munthu, lekani kukamba vinthu vo mungakhumba cha kuti mweneku wa nyumba wavweku. Apharazgi anyaki akambisiyana limu fundu zo angachikambisana ndi mweneku wa nyumba