Mo Tingasazgiyaku Lusu Lidu mu Uteŵeti—Kwambisa Sambiru la Bayibolu pa Ulendu Wakwamba ndi Kabuku ka Uthenga Wamampha
Nchifukwa Wuli Nkhwakukhumbika? Kuti tipangi akusambira, tikhumbika kusambiza ŵanthu Mazu Ngaku Chiuta. (Mat. 28:19, 20) Tosi tingasambiza mwalusu asani tigwiriskiya ntchitu vinthu vo gulu lititipasa. Kabuku ka Uthenga Wamampha Wakutuliya Kwaku Chiuta kakupangika kuti katiwovyi kusambiza ŵanthu uneneska. Kabuku yaka kangatiwovya kuyambisa sambiru la Bayibolu pa ulendu wakwamba.
Yesani Kuchita ivi Mwezi Wunu:
Pemphani Yehova kuti wakuwovyeni kuja ndi khumbu lakuchitiska sambiru la Bayibolu. Mungamupempha so kuti wakuwovyeni kwambisa sambiru la Bayibolu ndipuso kuti musambizengi mwalusu.—Ŵaf. 2:13.
Pakusopa kwa pabanja pamwenga pakusambira Bayibolu pakumwija, muyeseriyengi sachizgu lo le mubokosi. Kuchita viyo, kungachikuwovyani kukambiskana ndi ŵanthu mwakusimikizga.