Vo Tingakamba Pakugaŵiya Magazini

Nsanja ya Olonda December 1

“Kumbi muzomerezga kuti kanandi mpapi yo walera yija ŵana wasuzgika kuluska apapi wo alipu ŵaŵi? [Lindizgani kwamuka.] Bayibolo lititichiska kuchitiya lisungu ŵanthu wo akumana ndi masuzgu. [Ŵerengani Sumu 41:⁠1.] Nkhani yo yayambiya pa peji 22 yikonkhoska mo tingaŵalongole lisungu apapi wo alela ŵija ŵana.”

Galamukani! December

“Ŵanthu anandi afumba kuti, ‘Asani kwe Chiuta, nchifukwa wuli waleka kumutuzgapu diabolo?’ Kumbi imwi mukwamba mwajifumbapu fumbu lenili? [Lindizgani kwamuka.] Nkhani yo ye pa peji 10 ndi 11, yimuka fumbu lenili kutuliya m’Bayibolo. Yititikambiya so mo charu chazamujaliya asani Diabolo wazituzgikapu.” Ŵerengani Chivumbuzi 21:​3, 4.

Nsanja ya Olonda January 1

“Ŵanthu anandi agomezga kuti nkhani ya munda wa Edene yenga nthanu waka. Kumbi mungazizwa kuvwa kuti Yesu wangukamba kuti Adamu ndi Eva ŵenga ŵanthu chayiwu? [Lindizgani kwamuka. Pavuli paki ŵerengani Mateyu 19:​4-6.] Magazini iyi yimuka mafumbu nganyaki ngo ŵanthu atanja kufumba ngakukwaskana ndi munda wa Edene.”

Galamukani! January

Longoni pa peji lakwamba ndipu fumbani kuti, “Kumbi mungamuka wuli fumbu ili? [Lindizgani kwamuka.] Malemba ngachiska ŵanthu kuti ajengi achimangu. [Ŵerengani Yakobe 3:17.] Nanga nchifukwa wuli visopa vileka kovya ŵanthu kuti aje akukoliyana? Kumbi visopa ndivu vichitisengi kuti paje chimangu? Magazini iyi yimuka mafumbu ngenanga.”