Masachizgu nga vo Mungakamba
Pakwambisa Masambiru nga Bayibolo pa Chisulu Sabata Yakwamba ya Mwezi wa September
“Ŵanthu a mitundu ndi vigomezgu vakupambanapambana aromba zuŵa lelosi. Kumbi muŵanaŵana kuti Chiuta watuvwa ndipuso wamuka marombu ngosi?” Lindizgani kwamuka. Pavuli paki apaskeni Nsanja ya Olonda ya September 1 ndipu kambiskanani nkhani yo ye pakamutu kamana pa peji 16 ndipuso limoza mwa Malemba ngo ngalipu. Apaskeni magazini ndipu panganani nawu kuti muziweriyeku kuti muzikambiskani kwamuka kwa fumbu lachiŵi.
Nsanja ya Olonda September 1
Longoni mutu ukulu wo we pa peji lakwamba la magazini ndipu mungakamba kuti: “Kumbi mungamuka wuli fumbu ili? [Lindizgani kwamuka.] Wonani vo Bayibolo likamba. [Ŵerengani 1 Yohane 5:19.] Malinga ndi fundu iyi yakuti, “muheni yo” pamwenga kuti Diabolo, yilongo kuti ndiyu wawusa charu. Kweni ivi viyuska mafumbu nganyaki. Kumbi Diabolo wakutuwa pani? Kumbi waliku nadi? Kumbi Chiuta wamuzomerezgengi kuti wawusi mpaka zukwanji? Magazini iyi yilongo vo Bayibolo likamba.”
Galamukani! September
Ŵanthu anandi mazuŵa nganu asuzgika maŵanaŵanu chifukwa chakusoŵa kwa ndalama. Kumbi muwona kuti nchifukwa wuli nkhwakusuzga kusaniya vakukhumbika va pa umoyu? [Lindizgani kwamuka.] Bayibolo le ndi fundu zazeru zo zawovya ŵanthu anandi kuti aphweriyengi ndalama. [Ŵerengani lemba limoza pa Malemba ngo nge pa peji 8-9.] Magazini iyi ye ndi fundu zo zingawovya ŵanthu wosi wo asuzgika ndi ngongoli.”