Masachizgu nga vo Mungakamba

Mo Mungayambisiya Masambiru nga Bayibolo pa Chisulu Chakwamba mu September

“Pacharu chapasi pe visopa vinandi ndipu vosi vikamba kuti visopa Chiuta. Kumbi imwi muwona kuti visopa vosi visopa nadi Chiuta wauneneska?” Lindizgani kwamuka. Alongoni peji lakumaliya la Chigongwi cha Alinda cha September-October ndipu kambiskanani nawu fumbu lakwamba kweniso yesesani kuŵerengapu lemba limoza. Agaŵiyeni magazini ndipu panganani nawu zuŵa kuti muzikambiskani fumbu lachiŵi.

Chigongwi cha Alinda September-October

“Pakuti Chiuta ngwanthazi zosi kumbi muŵanaŵana kuti ndiyu wachitiska vinthu vosi viheni vo vichitika pacharu chosi chapasi? [Lindizgani kwamuka. Pavuli paki ŵerengani Yakobe 1:13.] Magazini iyi yikonkhoska chifukwa cho vinthu viheni vichitikiya kweniso vo Chiuta wachitengi kuti watuzgepu vinthu viheni ndi masuzgu.”

Galamukani! September

“Ŵanthu anandi apumuwa cha kugwira nchitu ndi chilatu chakuti aje ndi vinthu vinandi. Venivi vingachitiska kuti atamengi ndipuso asuzgikengi maŵanaŵanu chifukwa chakuti avuka ukongwa. Kumbi muŵanaŵana kuti nchinthu wuli cho chingawovya ŵanthu kuti alekengi kuvuka ukongwa ndi nchitu? [Lindizgani kwamuka.] Wonani fundu yo yisanirika m’Bayibolo pa vesi ili. [Ŵerengani 1 Timote 6:8.] Magazini iyi yikonkhoska nthowa zinayi zo zingatiwovya kuziŵa vinthu vakukhumbika pa umoyu widu kweniso vo tingachita kuti tilekengi kuvuka ukongwa ndi nchitu.”