Masachizgu nga vo Mungakamba

Mo Mungayambisiya Masambiru nga Bayibolo pa Chisulu, Sabata Yakwamba ya Mwezi wa September

“Ŵanthu anandi agomezga kuti zuŵa linyaki Chiuta wazakuŵayeruzga mwakukoliyana ndi vakuchita vaŵu. Kumbi imwi muŵanaŵana kuti Zuŵa la Cheruzgu ndakukondweska pamwenga ndakofya? [Lindizgani kwamuka.] Wonani vo magazini iyi yikamba.” Apaskeni Nsanja ya Olonda ya September 1, ndipu kambiskanani nkhani yo ye pa kamutu kakwamba papeji 16 ndipu yesesani kuŵerenga lemba. Pavuli paki agaŵiyeni Nsanja ya Olonda ndipu panganani nawu kuti mukawe so kuti muzikambiskani fumbu lachiŵi.

Nsanja ya Olonda September 1

“Mu vigaŵa vinandi pacharu chapasi anthukazi atumbikika cha ndipu atiŵachitiya nkhaza. Chakupaska chitima ukongwa nchakuti vigomezgu va visopa ndivu vichitiska suzgu ili. Kumbi muŵanaŵana kuti Chiuta wawona kuti anthukazi mbakumaliyapu? [Lindizgani kwamuka.] Awonani mo Bayibolo lilunguchizgiya anthurumi kuti ajaliyengi ndi awolu ŵawu. [Ŵerengani Ŵaefeso 5:​28, 29.] Magazini iyi yilongo vo Bayibolo likamba pa nkhani ya mo Chiuta wawone anthukazi.”

Galamukani! September

“Ŵanthu anandi akamba kuti charu chapasi chazamumala zuŵa limoza, yiwu awona nge kuti chazamumala ndi nkhondu ya nyukiliya pamwenga masoka ngachilengedu nge kuwa kwa mya yakutuliya kuchanya pamwenga kusintha kwa nyengu. Kumbi muwona kuti vo akamba vauneneska, pamwenga ndi maŵanaŵanu ŵaka? [Lindizgani kwamuka.] Bayibolo le ndi layizgu lakujalika mtima pasi ili. [Ŵerengani Sumu 37:29.] Magazini iyi yikonkhoska vo ŵanthu anandi akamba vakukwaskana ndi kumala kwa charu ndipuso vo Bayibolo likamba pa vinthu vo vichitikengi kunthazi.”