Masachizgu nga vo Mungakamba

Mo Mungayambisiya Masambiru nga Bayibolo pa Chisulu, Sabata Yakwamba ya Mwezi wa December

“Akhumba mungandizomerezga kuti munthu weyosi wakhumba kuja ndi mabwezi. Kumbi ndi jalidu nili lo imwi mungayanja kuti m’bwezi winu waje nalu? [Lindizgani kwamuka.] Magazini iyi yikonkhoska chifukwa cho titenere kusankhiya mabwezi mwakwenere.” Perekani Nsanja ya Olonda ya December 1 ndipu ŵerengani ndi kukambiskana nkhani yo ye pa kamutu kakwamba pa peji 16. Ŵerengani lemba limoza pa malemba ngo ngalipu. Mugaŵiyeni magazini, ndipu mupangani nayu kuti muziweriyeku kuti muzikambiskani kwamuka kwa fumbu lachiŵi.

Nsanja ya Olonda  December 1

“Kumbi muwona kuti nchifukwa wuli kwachitika masoka nganandi ngachilengedu pambula kuswera yapa? [Lindizgani kwamuka.] Chakukondweska ukongwa nchakuti Bayibolo likukambiya limu za nyengu yo kwazamukuŵa masoka. [Ŵerengani Mateyu 24:​7, 8.] Magazini iyi yimuka mafumbu yanga: Nchifukwa wuli mazuŵa nganu kuchitika masoka nganandi ngachilengedu? Kumbi nchilangu chakutuwa kwaku Chiuta? Kumbi te ndi vifukwa vakugomezge kuti Chiuta watuzgengepu masoka ngosi ngachilengedu pambula kuswera yapa?”

Galamukani! December

Ŵerengani 2 Timote 3:16. Ndipu kambani kuti: “Ŵanthu anyaki azomerezga kuti mazu ngo ngakulembeka m’Bayibolo ngakutuliya kwaku Chiuta, kweni anyaki asuska. Imwi muwona wuli? [Lindizgani kwamuka.] Chinanga kuti ŵanthu amuka mwakupambanapambana fumbu ili, anandi azomerezga kuti palivi buku linyaki lo ŵanthu alimbana nalu kuti alituzgepu kuruska Bayibolo. Magazini iyi yikonkhoska vinthu vinyaki vo ŵanthu ayesa kuchita kwa vyaka vinandi kuti atuzgiyepu limu Bayibolo ndipuso kuti ŵanthu aleki kuliŵerenga. Yikonkhoska so chifukwa cho lajaliyapu mpaka sonu.”