Masachizgu nga vo Mungakamba

Mo Mungayambisiya Masambiru nga Bayibolo pa Chisulu, Sabata Yakwamba ya Mwezi wa December

“Ŵanthu anandi akhazga kuti Yesu wazengi so. Kumbi imwi mungayanja kuti wazichitenji asani waza?” Lindizgani kwamuka. Alongoni nkhani yo ye papeji lakumaliya la Chigongwi cha Alinda cha December 1 ndipu kambiskanani nawu nkhani yo ye pa fumbu lakwamba ndipuso lemba limoza. Agaŵiyeni magazini ndi kupangana nawu zuŵa kuti muzikambiskani fumbu lachiŵi.

December 1

“Mazuŵa nganu ŵanthu atangwanika ukongwa, mwakuti asoŵa ndi nyengu yakukumbukiya Chiuta. Kumbi muwona kuti Chiuta ngwakukhumbika pa umoyu widu? [Lindizgani kwamuka.] Pa Upharazgi wa Paphiri, Yesu wangukamba kuti vinthu vauzimu vakukhumbika pa umoyu widu kuti tije ndi likondwa. [Ŵerengani Mateyu 5:3.] Magazini iyi yikonkhoska vifukwa vitatu vo tikhumbikiya Chiuta.”

December

“Tanandi tituŵa ndi maŵanaŵanu ngakupambanapambana asani tavwa nkhani pa wayilesi pamwenga kuŵerenga nyuzi. Kumbi muŵanaŵana kuti nkhani zosi zo tituvwa pamwenga kuŵerenga zauneneska? [Lindizgani kwamuka.] Bayibolo lititikambiya kuti titcheŵengi ndi vo tituvwa. [Ŵerengani Jobu 12:11.] Magazini iyi yikonkhoska fundu zo zingatiwovya kuziŵa kuti vo tavwa vauneneska pamwenga cha.”