Masachizgu nga vo Mungakamba

Mo Mungayambisiya Masambiru nga Bayibolo pa Chisulu Chakwamba mu December

“Tikambiskana ndi ŵanthu a muchigaŵa chidu nkhani yakukwaskana ndi boma lamampha. Kumbi muŵanaŵana kuti pe boma lo lingatuzgapu masuzgu ngakulungakulu nge viwawa kweniso vinthu vambula urunji?” Lindizgani kwamuka. Kambiyani mweneku wanyumba kuti mu rombu la Ambuya, Yesu wangukambiya akumulondo ŵaki kuti arombiyengi boma laviyo kuti lizi, boma lenili ndi Ufumu waku Chiuta. Alongoni nkhani yo ye papeji lakumaliya la Chigongwi cha Alinda cha November-December. Kambiskanani nawu fumbu lakwamba kweniso yesesani kuŵerengapu lemba limoza. Agaŵiyeni magazini ndipu panganani nawu zuŵa kuti muzikambiskani fumbu lachiŵi.

Chigongwi cha Alinda November-December

“Msanawale, ticheza ndi anyidu kuti tikambiskani nawu kwa kanyengu kamanavi vo lemba la Chituwa 21:24. [Ŵerengani.] Ŵanthu anandi aŵanaŵana kuti mazu ngakuti, ‘Jisu ku jisu, jinu ku jinu,’ ngazomerezga kuti ŵanthu awezgiyengi anyawu. Kumbi imwi muŵanaŵana wuli? [Lindizgani kwamuka.] Nkhani iyi, yo yitambiya papeji 7, yikonkhoska mo Ayisrayele angwanduliya ndi Chilangulu chaku Mosese, ndipu bokosi lo le papeji 8 limuka fumbu lakuti, ‘Kumbi Marangu ngaku Chiuta ngazomerezganga kuwezge nduzga?’”

Galamukani! December

“Tikambiskana mwakudumuwa ndi ŵanthu nkhani yakukwaskana ndi nthenda yo ŵanthu anandi atama. Wupu wakuwona va umoyu pa charu chosi ukamba kuti munthu yumoza pa ŵanthu anayi, wasuzgika maŵanaŵanu nyengu zinyaki. Kumbi namwi muwona kuti ŵanthu anandi asuzgika nadi maŵanaŵanu mazuŵa nganu? [Lindizgani kwamuka.] Bayibolo likamba kuti kunthazi ŵanthu azamutama so cha. [Ŵerengani Chivumbuzi 21:3, 4.] Magazini iyi yikonkhoska vinthu vimanavi vo weyosi watenere kuziŵa vakukwaskana ndi kusuzgika maŵanaŵanu.”