Masachizgu nga vo Mungakamba

Mo Mungayambisiya Masambiru nga Bayibolo pa Chisulu, Sabata Yakwamba ya Mwezi wa December

“Nyengu yinu, ŵanthu anandi akumbuka Yesu. Kumbi imwi muŵanaŵana kuti chinthu chikulu cho Yesu wanguchita ndi nichi? [Lindizgani kwamuka.] Awonani mutu wa nkhani yo ye pa peji 16.” Apaskeni Nsanja ya Olonda ya December 1 ndi kukambiskana nkhani yo ye pakamutu kakwamba ndi kuŵerenga lemba limoza. Agaŵiyeni magazini ndi kupangana nawu zuŵa lo mwazamuweriyaku kuzikambiskana fumbu lachiŵi.

Nsanja ya Olonda December 1

“Mwezi wunu, ŵanthu anozgeke vo angachita kuti akondwi ndi sekeresu la Khrisimasi. Kumbi ndi fundu niyi pa fundu izi yo muwona kuti njakukhumbika kuchita pa nyengu ya Khrisimasi? [Alongoni fundu zo ze pa peji 3 ndipu lindizgani kwamuka. Pavuli paki julani nkhani yo yikoliyana ndi fundu yo asankha ndi kuŵerenga lemba lo laŵikika pa mutu.] Magazini iyi ye ndi fundu zo zingatiwovya kukumbuka Yesu pa nyengu ya Khrisimasi pe cha kweni nyengu zosi.”

Galamukani! December

“Mazuŵa nganu ŵanthu anandi asuzgika maŵanaŵanu. Kumbi namwi muwona kuti venivi vichitiska kuti afyengi mtima liŵi? [Lindizgani kwamuka.] Ŵanthu anandi agomezga kuti tija m’nyengu yakusuzga yo yikukambikiya limu pa lemba ili. [Ŵerengani 2 Timote 3:1.] Magazini iyi yikonkhoska uheni wa kukwiya liŵi kweniso vo munthu wangachita kuti walekengi kukwiya liŵi.”