Kumbi Mungayesa Kuja Nyengu Yitaliku mu Uteŵeti?

Apharazgi anyaki atanja kusankhiya limu nyengu yakutuliya mu uteŵeti, anandi awe 12 koloku. Kweni apharazgi anyaki awe liŵi mu uteŵeti chifukwa cha mo vinthu viliri pa umoyu wawu. Kumbi imwi muŵeruka chifukwa chakuti anyinu wo mwenga nawu aŵeruka pamwenga chifukwa chakuti ŵanthu anandi m’chigaŵa chinu aŵeruka pa nyengu yeniyo? Kumbi mungayesa kuja nyengu yitaliku ndi kulutirizga kupharazga mu msewu? Kumbi mungaluta ku ŵanthu wo mukuŵapharazgiyapu kali pa nyengu yo muwere kwinu? Mukhoza kukondwa ukongwa asani mungachikumana ŵaka ndi munthu yumoza yo mukumupharazgiyapu kali pamwenga asani mungagaŵiya magazini munthu yo mwakumana nayu munthowa. Kuja nyengu yitaliku mu uteŵeti, ndi nthowa yipusu yakusazgiyaku “sembi yakuthamikiya” Chiuta.—Ŵah. 13:15.