Yesani Kuŵapempha kuti Mupharazgi Nawu

M’mipingu yinandi mwe apharazgi wo atondeka kuchita vinandi mu uteŵeti chifukwa chakutama pamwenga kukota. (2 Ŵakor. 4:16) Kumbi mungapempha yumoza yo we ndi suzgu lenili kuti waluti namwi ku Sambiru linu la Bayibolo? Mukhoza kuchita sambiru linu panyumba ya mupharazgi, asani ngwakutama, ngwakukota pamwenga watondeka kwenda. Nyengu zinyaki mungaluta kunyumba zimanavi pamwenga ku ulendu wakuweriyaku ndi m’bali pamwenga mzichi yo walivi nthazi. Apharazgi akukota aziŵa vinandi. Mwaviyo, kuyesesa kwinu kuchiskengi yiwu pe cha kweni namwi muyanduwengi. (Ŵar. 1:12) Kweniso, Yehova wakutumbikeningi chifukwa cha kuyesesa kulongo chanju mu nthowa yeniyi.—Nthanthi 19:17; 1 Yoh. 3:17, 18.