Mudanu Wapade
1. Kumbi tiyambengi zukwanji kudaniya ŵanthu ku unganu wachigaŵa wa 2014?
1 Tiyeruzgiyi kuti mwanozge phwandu mabwezi nginu ndi abali ŵinu. Phwandu lo lakutoliyani nyengu yitali pakulinozga kweniso mwagwiriskiya nchitu ndalama zinandi. Mwaviyo, mungakondwa ukongwa kudaniyaku so ŵanthu anyaki. Mwakuyanana ŵaka, pagwirika nchitu yikulu ukongwa pakunozgeke phwandu lo Yehova wanozga lo tiŵengi nalu pa unganu widu wachigaŵa wa 2014. Asani kwaja sabata zitatu kuti unganu uchitiki, Yehova watipaska mwaŵi wakudana ŵanthu anyaki kuti aziŵepu. Nchinthu wuli cho chingatiwovya kuti tikaŵadanengi mwalikondwa?
2. Nchinthu wuli cho chingatiwovya kuti tidani ŵanthu mwaphamphu pa nyengu iyi?
2 Asani tikumbuka mo tiyanduliya ndi maunganu ngachigaŵa ngo Yehova watitinozge, tigwirengi mwaphamphu nchitu yakudaniya ŵanthu ku unganu. (Yes. 65:13, 14) Titenere so kukumbuka kuti nkhutaya ŵaka nyengu cha kugwira nchitu yeniyi chifukwa anyaki wo tidanengi azamukuza pa unganu. Mwambula kuphwere kanthu kuti mbalinga wo azamukuza kweni phamphu lidu pa nyengu yeniyi lithamika Yehova ndipuso lilongo kuti ngwakupaska.—Sumu 145:3, 7; Chiv. 22:17.
3. Kumbi timapepala teniti tazamugaŵiya wuli?
3 Wupu wewosi wa ŵara utenere kuwona mo mpingu wawu ungachitiya kuti ugaŵiyi timapepala muchigaŵa chawu chosi. Utenere so kuwona asani mphakwenere kusiya timapepala panyumba zo palivi ŵanthu pamwenga kuchigaŵiya kumalu ngo kusanirika ŵanthu anandi muchigaŵa chawu. Pa Chisulu titenere kugaŵiya magazini limoza ndi kamudanu asani mphakwenere. Asani Chisulu chakwamba chatisaniya kuti tidaniya ŵanthu ku unganu, titenere kwesesa kugaŵiya timapepala m’malu mwakwambiska masambiru nga Bayibolo. Pakumaliya pa nchitu yeniyi, tazamukondwa ukongwa kuti tinguyigwira mwaphamphu ndipu tingudana ŵanthu anandi kuti azivwisiyi unganu wo Yehova wangutinozge.