Nchitu Yakudaniya Ŵanthu ku Chikumbusku Yazamuyamba pa March 22

Chaka chinu, nchitu yakudaniya ŵanthu ku Chikumbusku yazamuyamba pa Chisulu, March 22. Tosi tichiskika kuti tizigwiriyi limoza nchitu iyi mpaka pakumaliya. Asani mphakwenere, pa Chisulu ndi Sabata, tazamugaŵiyanga so magazini ngasonu. Pa Chisulu, sabata yakwamba ya mwezi wa April, tazamugwira nchitu yakugaŵiya timapepala m’malu mwakwambisa masambiru nga Bayibolo. Kweni asani tazikumana ndi munthu wakunweka, tingaziyesa mbwenu kwambisa sambiru la Bayibolo. Wakuwonere uteŵeti wazamuwona asani kugaŵiya timapepala kumalu ngo kusanirika ŵanthu anandi kungaziwovya kuti mpingu uzifikiyi ŵanthu anandi m’chigaŵa chawu. Lembiyani limu kweche sonu mazina nga abali ŵinu, wo mugwira nawu nchitu, wo musambira nawu sukulu, wo mukuŵapharazgiyapu kweniso ŵanthu anyaki wo mukhumba kuti azisaniriki pa Chikumbusku ndipu muziŵapaski kapepala asani nchitu yakudaniya ŵanthu ku Chikumbusku yaziyamba. Te ndi chigomezgu kuti ŵanthu anandi azamukuza kuzikumbukiya nasi limoza chanju cho Yehova ndi Yesu akutilongo.—Yoh. 3:16; 15:13.