Mo Tingasazgiyaku Lusu Lidu mu Uteŵeti​—Kupharazgiya Munthu yo Walongoro Chineneru Chinyaki

Nchifukwa Wuli Nkhwakukhumbika? Yehova wafipiya mtima umoyu wauzimu wa ŵanthu a “mitundu yosi.” (Mac. 10:34, 35) Ndichu chifukwa chaki Yesu wangulongo kuti uthenga wamampha upharazgikengi “pacharu chosi” kweniso “ku mitundu yosi.” (Mat. 24:14) Zekariya wangukambiya limu kuti “ŵanthu akutuliya mu mitundu yosi” azamuvwisiya uthenga wamampha. (Zek. 8:23) Mwakukoliyana ndi vo Yehova wanguwonesa wakutumika Yohane, ŵanthu wo azamutaskika pa chisuzgu chikulu azamutuliya “m’mafuku, mitundu ndipuso vineneru vosi.” (Chiv. 7:9, 13, 14) Mwaviyo, asani muchigaŵa chinu mwakumana ndi munthu yo walongoro chineneru chinyaki, yesesani kumupharazgiya.