Mo Tingasazgiyaku Lusu Lidu mu Uteŵeti​—Kupharazgiya Weyosi Muchigaŵa Chidu

NTCHIFUKWA WULI NKHWAKUKHUMBIKA: Zekariya wangukambiya limu kuti ŵanthu akutuliya mumitundu yosi azamuvwisiya uthenga wamampha. (Zeka. 8:23) Kweni kumbi mbayani aŵasambizengi? (Aro. 10:13-15) Isi ndisi te ndi mwaŵi kweniso udindu wakupharazgiya uthenga wamampha munthu weyosi muchigaŵa chidu.—od 84 ¶10-11.

MO TINGACHITIYA:

• Nozgekiyani. Kumbi mukumana ndi ŵanthu wo alongoro chineneru chinyaki? Mungagwirisiya ntchitu pulogilamu yakusambiriya chineneru (JW Language) kuti muziŵi vo mungakamba muchineneru chawu. Mungagwirisiya ntchitu foni pamwenga tabuleti yinu kuti muŵalongo mo angasaniriya mabuku ndi mavidiyo muchineneru chawu pa jw.org

• Mujengi masu. Asani mupharazga nyumba ndi nyumba, muyesesengi kukambisana ndi weyosi yo mwakumana nayu pamwenga wo ŵe mumagalimotu ngo ngama. Asani mupharazga ko kusanirika ŵanthu anandi, yesesani kupharazgiya weyosi

• Muchitengi phamphu. Muweliyengeku kunyumba zo munguleka kusaniyaku ŵanthu pakwamba. Muyesesengi kukambisana ndi munthu panyumba yeyosi. Asani musaniyapu ŵanthu cha, mungasintha nyengu kweniso zuŵa. Ŵanthu anyaki tingakambisana nawu pafoni, kulemba kalata pamwenga asani tipharazga mu msewu

• Muweliyengeku so. Muweliyengeku mwaliŵi ku munthu weyosi yo wakhumba kuziŵa vinandi. Asani munthu yo walongoro chineneru chinyaki, saniyani munthu yo watichiziŵa umampha chineneru cho. Lutirizgani kumuyende munthu yo mpaka po mwasaniriya apharazgi wo aziŵa chineneru chaki.—od 94 ¶39-40

WONERIYANI VIDIYO YAKUTI KUPHARAZGA MPAKA “KUKUMALIYA KWA CHARU CHAPASI,” PAVULI PAKI KAMBISANANI MAFUMBU YANGA:

• 

  Kumbi abali ndi azichi angunozgeke wuli kuti akapharazgi kuchigaŵa chakumuzi? (1 Akori. 9:22, 23)

• 

  Kumbi angukumana ndi masuzgu wuli?

• 

  Nanga angusaniya vitumbiku wuli?

• Kumbi imwi mukhumbika kuchitanji kuti mupharazgiyi ŵanthu anandi muchigaŵa chinu?