Kulondere Alendu

Viwoneka kuti pa March 23, ŵanthu akujumpha 12 miliyoni azengi ku Chikumbusu. Tikayika cha kuti azamuyanduwa ndi nkhani yo yazamukonkhosa sembi yo Yehova wakutipasa kweniso vitumbiku vo ŵanthu azamulonde chifukwa cha sembi yeniyi. (Yes. 11:6-9; 35:5, 6; 65:21-23; Yoh. 3:16) Kweni ngwakukamba nkhani pe cha yo we ndi udindu wakuwovya ŵanthu kuti avwisisi fundu za m’Bayibolu pachakuchitika ichi. Tosi tikhumbika kuziŵalondere umampha ŵanthu ŵenaŵa ndipuso kuŵawovya. (Ŵar. 15:7) Tiyeni tiwoni vinthu vinyaki vo tingazichita.

• M’malu mwakuja pasi ndi kulindiza kuti maunganu ngayambi, tikhumbika kuŵalondere umampha alendu ndipuso wo akuleka kuwungana. Kweniso tiziŵatawuzengi mwakukondwa

• Pa nyengu yo tazamulondere alendu wo tingudana, tiziwonengi so alendu wo angudanika ndi ŵanthu anyaki. Tiziŵapemphi kuti aje nasi pamoza ndipuso kuti tiziwoniyengi limoza Bayibolu ndi sumu yidu

• Asani nkhani yamala, nozekiyani kumuka mafumbu ngo angakufumbani. Asani mpingu unyaki uchitiyengi Chikumbusu mu Nyumba ya Ufumu yeniyo ndipu nyengu yawu yakwana, mungapangana waka kuti mukakumani nayu so mwaliŵi. Asani mulivi nambala yaki ya foni, mungamukambiya kuti: “Ndikhumba kuti ndizi kunyumba kwinu kuti ndizivwi asani mwe ndi mafumbu ngakukwasana ndi vo mwavwa. Tingachita wuli kuti tikumani so?”