Kumbi Ndidani Ayani?

Chaka chechosi tiyesesa kudana ŵanthu anandi muchigaŵa chidu kuti tikachitiyi nawu limoza Chikumbusu. Anandi aku yiwu mbanthu akuti titiŵaziŵa cha. Tikhumbika so kudana ŵanthu wo tiziŵana nawu. Ŵanthu anandi wo alonde kapepala ku munthu yo atimuziŵa atondeka cha kufika ku Chikumbusu. (yb08-CN 11 ¶3; 14 ¶1) Kumbi mbanthu anyaki naŵa wo mungadana?

• Achibali

• Wo mugwira nawu ntchitu pamwenga wo musambira nawu sukulu

• Wo muja nawu pafupi

• Ŵanthu wo mukupangana nawu kuti muweliyengeku, wo mwasambiranga nawu Bayibolu kweniso wo musambira nawu sonu

Ŵara akhumbika kudana ŵanthu wo akuleka kuwungana. Nanga wuli asani munthu yo muziŵana nayu waja muchigaŵa chinu cha? Kuti musaniyi nyengu ndi malu ngo kwamuchitikiya mwambu uwu muchigaŵa cho waja, lutani pa jw.org/tog pachigaŵa chakuti VAKUKWASKANA NDI ISI ndipu bofoni po palembeka kuti “Chikumbusu.” Po munozgeke Chikumbusu cha chaka chinu, ŵanaŵaniyani ŵanthu wo mungadana, pavuli paki apaskeni kapepala kakuŵadaniya ku mwambu wenuwu.