Gwiriskiyani Ntchitu Buku Lakuti Kondwani ndi Umoyu Kwamuyaya! Kuti Muwovyi Ŵanthu Kuja ndi Chivwanu Mwaku Yehova Kweniso Yesu

Ŵanthu wo tisambira nawu Bayibolu akhumbika kuja ndi chivwanu chakukho mwaku Chiuta kuti amukondwesengi. (Ah 11:6) Tingaŵafika pa mtima asani tisambira nawu buku lakuti Kondwani ndi Umoyu Kwamuyaya! Buku ili le ndi vinthu vakukhumbika nge malemba ngo ngendi fundu zikulu, mwe vifukwa vakuvwika, mafumbu, vithuzi vakutowa kweniso mavidiyo ngo ngangawovya msambizi kumufika pamtima wakusambira. Asani titovya yo tisambira nayu Bayibolu kuti waje ndi mijalidu yamampha ndipuso kuti waje pa ubwezi ndi Chiuta ndikuti tizenga ndi vinthu vambula kuko motu.​—1Ak 3:12-15.

Ŵanthu anyaki vitasuzga kuja pa ubwezi ndi Chiuta yo atimuwona cha. Mwaviyo, titenere kuŵawovya kuti amuziŵi umampha Yehova ndipuso kuti amuthembengi.

WONERIYANI VIDIYO YAKUTI WOVYANI ŴANTHU KUJA NDI CHIVWANU MWAKU YEHOVA, MWAKUGWIRISKIYA NTCHITU BUKU LAKUTI “KONDWANI NDI UMOYU KWAMUYAYA!” NDIPU MUKANI MAFUMBU YANGA:

• Kumbi ntchinthu wuli cho chilongo kuti mzichi uyu wangunozgeke umampha sambiru?

• Kumbi mzichi uyu wagwiriskiya wuli ntchitu mafumbu ngakusazgiyapu kuti wawovyi yo wasambira nayu kuti wakambepu maŵanaŵanu ngaki pa lemba la Yesaya 41:10, 13?

• Kumbi mavidiyo ndipuso mavesi nga mu Bayibolu ngamuwovya wuli yo wasambira nayu?

Ŵanthu anandi atiyivwisisa cha sembi ndipuso awona kuti Chiuta wakupereka mphasu iyi kwaku yiwu cha. (Ag 2:20) Mwaviyo titenere kuŵawovya kuti aje ndi chivwanu mu sembi yaku Yesu.

WONERIYANI VIDIYO YAKUTI WOVYANI ŴANTHU KUJA NDI CHIVWANU MWAKU YESU, MWAKUGWIRISKIYA NTCHITU BUKU LAKUTI “KONDWANI NDI UMOYU KWAMUYAYA!” NDIPU MUKANI MAFUMBU YANGA:

• Kumbi ntchinthu wuli cho chilongo kuti mubali uyu wangunozgeke umampha sambiru?

• Kumbi mubali uyu wagwiriskiya wuli ntchitu fundu yo yisanirika pachigaŵa chakuti “Fufuzani” kuti wawovyi munthu yo wasambira nayu?

• Kumbi pempheru lingamuwovya wuli yo tisambira nayu?