Kumbi Ufumu Waku Chiuta Wazamuchita Wuli ndi Masuzgu Ngo Chilengedu Chikumana Nangu?

“Kusintha kwa nyengu kwachitiska kuti ŵanthu, matawuni kweniso vinthu vinyaki vamoyu vikumani ndi masuzgu ngakulu. Vimphepu vanthazi vo vichitika ukongwa chifukwa chakusintha kwa nyengu, vinanga nyumba za ŵanthu kweniso vichitiska kuti ŵanthu anyaki asuzgikengi kusaniya vinthu vakukhumbika paumoyu. Maji nga munyanja zikuluzikulu ngatotcha ukongwa ndipu venivi vingachitiska kuti vamoyu vinandi va munyanja vifwi.”—Inger Andersen, under-secretary-general of the United Nations and executive director of the UN Environment Programme, July 25, 2023.

Kumbi maboma ngangakoliyana kuti ngamalisi masuzgu ngenanga pacharu chosi? Nanga ŵe ndi nthazi zakuti angangamalisiya nadi limu masuzgu ngenanga?

Bayibolu likamba va boma linyaki lo lazamumalisa masuzgu ngosi ngo ngachitika pacharu chapasi. Likamba kuti, “Chiuta wakuchanya wazamujalikiska ufumu,” kung’anamuwa boma lo lazamulamuliya kweniso kumalisa masuzgu pacharu chosi. (Daniyeli 2:44) Asani boma lenili laziyamba kulamuliya charu chosi, ŵanthu ‘azamupwetekana cha pamwenga kusakazana’ pamwenga kunanga charu chapasi.—Yesaya 11:9.