Masuzgu nga Vachuma—Kumbi Ufumu Waku Chiuta Wazamuchita Wuli?

Ŵanthu anandi pacharu chosi asuzgika kusaniya ndalama zakukwana kuti aguliyi vinthu vakukhumbika pa umoyu, ndipu anyaki asoŵe limu pakuko.

• Mwakukoliyana ndi lipoti la pacharu chosi lo lachitika pambula kuswera,a ndalama zo ŵanthu asaniya ndalama zimana ukongwa pamwezi kuti ziŵawovyi. Lipoti ili lingukamba so kuti asani vinthu vilekengi kusintha, ndikuti mphambanu yo yilipu pakati pa akavu ndi akukhupuka yilutiriyengi mbwenu vo vichitisengi kuti pasonu panu akavu asuzgikiyengisuzgikiyengi kuluska kali.”

Kumbi maboma ngangafiska kumalisiya limu masuzgu nga zachuma ngo ŵanthu akumana nangu?

Bayibolu likamba kuti pe boma linyaki lo lingamalisa ndipu lazamumalisa masuzgu ngosi nga vachuma ngo ŵanthu akumana nangu kusazgiyapu ukavu. Ilu likamba kuti: “Chiuta wakuchanya wazamujalikiska ufumu,” boma limoza pe lo lazamumalisa masuzgu nga ŵanthu pacharu chosi. (Daniyeli 2:44) Asani Ufumu wenuwu waziyamba kulamuliya, pazamuŵavi munthu weyosi yo wazamujowoleka pamwenga kuluwika. (Salimo 9:18) Ufumu waku Chiuta wazamuwonesesa kuti ŵanthu ŵaki wosi ŵe ndi vinthu vo vingaŵawovya kuti akondwengi. Ndipu weyosi wazamukondwa ndi ntchitu za manja ngaki.—Yesaya 65:21, 22.