Vo Vingakuwovyani Asani Muchita Phukwa—Kumbi mungamalana nalu wuli phukwa?

• “Lipoti linyaki lingukamba kuti: “Pafufupi hafu ya ŵanthu wo aja ku United States achita phukwa ndipu achinyamata a vyaka va pakati pa 20 ndi 25 ndiwu achita phukwa ukongwa.”—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

• “[Wupu Wakuwona va Umoyu Pacharu Chosi] wajalikiska komiti yinyaki (Commission on Social Connection) kuti yiwovyi ŵanthu wo achita phukwa chifukwa lichitiska kuti ŵanthu atamengi nthenda yakusuzgika maŵanaŵanu. Komiti yeniyi yichiskengi ŵanthu kuti achezengi kweniso yiwovyengi vyaru vosi pacharu chapasi kuti visaniyi nthowa zakumalisiya suzgu lenili.”—World Health Organization, November 15, 2023.

Mu Bayibolu musanirika fundu zo zingatiwovya kuti tichezengi umampha ndi anyidu ndi kuja mabwezi.

Fundu za mu Bayibolu zo zingatiwovya

Lekani Kuchita vinthu vo vingachitiska kuti mujipatuwengi. Venivi visazgapu kugwiriskiya ntchitu ukongwa malu ngakucheziyapu nga pa intaneti. Mumalu mwaki, muyesesengi kucheza ndi ŵanthu pamasu ndi pamasu kuti musaniyi mabwezi chayingu.

• Fundu ya mu Bayibolu: “Bwezi chayilu litanja nyengu zosi ndipu ilu ndi mubali yo wakubalika kuti wakuwovyi pa nyengu ya suzgu.”—Nthanthi 17:17.

Musaniyengi nthowa zo mungawovye ŵanthu anyaki. Asani muchitiya lisungu ŵanthu ndipu mutiŵawovya, vingakuwovyani kuti muyanjanengi ukongwa kweniso kuti mukondwengi.

• Fundu ya mu Bayibolu: “Kupaska kuchitiska kuti munthu wakondwengi ukongwa kuluska kulonde.”—Machitidu 20:35.

Wonani pa webusayiti yidu penapa kuti musaniyi nkhani zo ze ndi fundu za mu Bayibolu zo zingakuwovyani kuti muje ndi mabwezi ngamampha.