Yesu Wazamumalisa Ukavu

Pa nyengu yo wenga pacharu chapasi, Yesu wangulongo kuti watiŵayanja ukongwa ŵanthu, ukongwa akavu kweniso wo asuzgika. (Mateyu 9:36) Iyu wangupereka chinanga mbumoyu waki chifukwa cha ŵanthu anyaki. (Mateyu 20:28; Yohane 15:13) Pambula kuswera yapa, walongongi so kuti watanja ŵanthu ndipu wazamumalisa ukavu pacharu chosi mwakugwiriskiya ntchitu mazaza kweniso nthazi zaki nge Fumu ya Ufumu waku Chiuta.

Bayibolu likonkhoska umampha ukongwa vo Yesu wazamuchita:

• “Iyu wavikiliyi ŵanthu akusika pakati pa ŵanthu, iyu wataski ŵana a ŵanthu akavu.”—Salimo 72:4.

Kumbi tingalongo wuli kuti tiwonga vosi vo Yesu wakutichitiya kweniso vo watichitiyengi pambula kuswera yapa? Nthowa yimoza nkhusambira vakukwaskana ndi “uthenga wamampha wa Ufumu waku Chiuta” wo iyu wapharazganga. (Luka 4:43) Ŵerengani nkhani ya mutu wakuti “Kumbi Ufumu Waku Chiuta Ntchinthu Wuli?”