Yesu Wazamumalisa Nkhaza Ndipuso Vinthu Vambula Urunji

Yesu waziŵa umampha mo munthu wavwiya asani ŵanthu atimuchitiya nkhaza pamwenga vinthu vambula urunji. Iyu angumumba mulandu waboza, angumupuma kwambula chifukwa, angumuyeruzga mwambula urunji ndipu wangubayika mwankhaza. Chinanga kuti wenga wambula kunanga, iyu wangukhumbisiska kupereka “umoyu waki sembi yakuwombole ŵanthu anandi.” (Mateyu 20:28; Yohane 15:13) Pakuti sonu ndi Fumu ya Ufumu waku Chiuta, pambula kuswera yapa wazamuchitiska kuti pacharu chapasi paje urunji ndipu wazamumalisa nkhaza kweniso vinthu vosi vambula urunji.—Yesaya 42:3.

Bayibolu likonkhoska mo charu chapasi chazamuŵiya asani Yesu waziyamba kulamuliya:

• “Ŵanthu aheni azamuŵaku so cha; wazamulereska po ajanga, ndipu azamusanirikapu cha. Kweni akufwasa azamulonde charu chapasi, ndipu azamukondwa ukongwa ndi chimangu chikulu.”—Salimo 37:10, 11.

Kumbi tingalongo wuli kuti tiwonga vosi vo Yesu wakutichitiya kweniso vo wazakutichitiya kunthazi? Nthowa yimoza nkhusambira vakukwaskana ndi “uthenga wamampha wa Ufumu waku Chiuta” wo iyu wapharazganga. (Luka 4:43) Ŵerengani nkhani ya mutu wakuti “Kumbi Ufumu waku Chiuta Ntchinthu Wuli?”