Kumbi Mutenere Kuthemba Yani?—Kumbi Bayibolu Likambanji?

Ŵanthu aguŵa ukongwa asani wo atiŵathemba aŵaguŵisa. Ŵanthu anandi akuleka kuthemba . . .

•  alongozgi andali wo aŵika vakukhumba vawu pakwamba mumalu mwa ŵanthu anyaki.

•  nkhani zo zilembeka mwauneneska cha kweniso mwambula kulondo.

•  asayansi wo achita vinthu vambula kukhorwesa ŵanthu

•  alongozgi avisopa wo aserezekamu mu nkhani za ndali mumalu mwakukamba vakukwaskana ndi Chiuta.

Ŵanthu aphwere umampha ukongwa pakusankha munthu yo angamuthemba. Bayibolu likamba kuti:

•  “Mungathembanga alongozgi cha pamwenga mwana wa munthu chifukwa wangakutaskani cha.”—Masalimo 146:3.

Munthu yo mungamuthemba

 Bayibolu likamba munthu munyaki yo mungamuthemba: Yesu Khristu. Iyu wenga waka munthu wamampha cha yo wangujapu panu pacharu kwa vyaka vinandi vo vajumpha. Chiuta wakusankha Yesu yo “wazamulamuliya nge Fumu. . . , ndipu Ufumu waki wazamumala cha.” (Luka 1:32, 33) Yesu ndi Fumu ya Ufumu waku Chiuta, boma lo sonu lilamuliya kuchanya.—Mateyu 6:10.

•  Kuti muziŵi mo mungangamuthembe Yesu, ŵerengani nkhani ya mutu wakuti “Kumbi Fumu ya Ufumu Waku Chiuta Ndiyani?” ndipuso yakuti “Kumbi ndi Vinthu Wuli vo Ufumu Waku Chiuta Ufiskengi?”