Yesu Wazamumalisa

Panyengu yo Yesu wenga pacharu chapasi wayanjanga ukongwa ŵanthu mpaka wangupereka umoyu waki chifukwa chaku yiwu. (Mateyu 20:28; Yohane 15:13) Pambula kuswera yapa, wazamulongo so kuti watanja ŵanthu. Iyu wazamugwiriskiya ntchitu mazaza ngaki nge Fumu ya Ufumu waku Chiuta kuti ‘wamalisi nkhondu pacharu chosi chapasi.’—Salimo 46:9.

Wonani mo Bayibolu likonkhoske vo Yesu wazamuchita:

• “Iyu wazamutaska akavu wo apempha chovyu, ndipuso ŵanthu akusika kweniso weyosi yo walivi wakumuwovya. Iyu wazamuchitiya chitima ŵanthu akusika ndi akavu, ndipu wazamutaska maumoyu nga ŵanthu akavu. Wazakuŵataska ku ŵanthu ankhaza kweniso achiwawa.”—Salimo 72:12-14.

Kumbi tingalongo wuli kuti tiwonga vinthu vosi vo Yesu wakutichitiya kweniso vo wazakutichitiya? Nthowa yimoza nkhusambira vinandi vakukwaskana ndi “uthenga wamampha wa Ufumu waku Chiuta,” wo wenga uthenga wo Yesu wapharazganga. (Luka 4:43) Ŵerengani nkhani yamutu wakuti “Kumbi Ufumu waku Chiuta ntchinthu wuli?”