Kumbi Bayibolu Likambanji?
Kumbi pacharu pazamuja nadi urunji?
Kumbi mungamuka kuti
Hinya?
Awa?
Panyaki?
Vo Bayibolu likamba
“Ndiziŵa kuti Yehova wazamuvikiriya ŵanthu akusika ndipu wazamuchitiya urunji ŵanthu akavu.” (Sumu 140:12) Ufumu waku Chiuta wazamuchitisa kuti pacharu chosi paje urunji.
Fundu zinyaki zo tisambira m’Bayibolu
Chiuta wawona vinthu vambula urunji vo vichitika ndipu wazamuchitapu kanthu.—Wakutaula 5:8.
Urunji waku Chiuta wazamuchitisa kuti pacharu paje chimangu.—Yesaya 32:16-18.
Kumbi Chiuta watanjiya?
Ŵanthu anyaki agomeza kuti Chiuta watumbika pamwenga watemba ŵanthu anyaki kweni anyaki agomeza kuti Chiuta watanjiya cha. Kumbi imwi muŵanaŵana wuli?
Vo Bayibolu likamba
“Chiuta walivi sankhu, iyu walonde munthu wakutuliya mu mtundu wewosi, yo watimuwopa ndi kuchita vinthu mwaurunji.” (Machitidu 10:34, 35) Chiuta wawona kuti ŵanthu wosi ayanana ŵaka.
Fundu yinyaki yo tisambira m’Bayibolu
Bayibolu le ndi “uthenga wamampha” ku “ŵanthu a mtundu wewosi, fuku lelosi ndipuso chineneru chechosi.”—Chivumbuzi 14:6.