Kabbokesi Kamubuzyo

◼ Ncinzi ceelede kuyeeyegwa ciindi nokubalwa mincali kumiswaangano?

Bunji bwaciindi cipedwe Ciiyo ca Ngazi Yamulindizi alimwi aca Ciiyo Cabbuku Cambungano cimanina mukubala mincali. Eeci caamba kuti mukwesu uubikkidwe kubala uyumwide mukuli mulemu wakuyiisya. Weelede kubala munzila ‘yakupandulula’ malembe kutegwa baswiilizi bataide kuteelela pele kumwi bakulwaizigwe kubweza ntaamu. (Neh. 8:8) Aboobo sikubala weelede kulibambila kabotu mulimo wakwe. (1 Tim. 4:13; amubone ciiyo 6 camu Buku Lolangiza Lasukulu.) Nzeezi zimwi zintu zitasyaali pe mukubalila buleya munzila iigwasya.

Kwaambisya Twaambo Tweelede: Musalile limwi mabala amajwi, aayandika kwaambisya kutegwa bupanduluzi buluzi buteelelwe.

Kululamika Bwaambe Bwamabala: Bwaambe buluzi akulomya kwaamba kuleelede kutegwa baswiilizi baateelele majwi aali mumalembe. Amubuzye bamwi bakwesu bacibwene mbobaa amba balo.

Kamupozya Akusungwaala Kwaamba: Ikupozya akusungwaala kwaamba kupa kuti muswiilizi abikkile maanu, akulwaizigwe, akuyumizigwa.

Kamwaamba Cabulongwe Alimwi Cakwiizya: Kulikwaya kuzwa mukukkalikila kwaamba. Kwiinda mukulibambila akwiindulula, sikubala ulakonzya kuliiba, cikape kuti kubala kukabote muciindi cakwiide kuyooma akukatazya kutobela.—Hab. 2:2.

Kamwaabala Malembe Mbwaasimbidwe: Bupanduluzi bwakunsi kanjikanji bulabalwa kuti kabulaa mbobusalazya malembe eni-eni. Bwelikke butabalwi mboobuya bwiide kutondezya kuzwa majwi aazubululwa. Bupanduluzi bwakunsi bweelede kubalilwa waalya mpobutondezyedwe mumuncali, kabutaanguninwa majwi aakuti: “Bupanduluzi bwakunsi bwaamba kuti . . . ” Mwamana nkwiide kuzumanana kubala kuzwa mpomwalekelede mumuncali.

Ciindi kubalila buleya nokucitwa kabotu, inga ninzila imwi njotunga ‘twayiisya makani oonse ngetwakalaililwa’ a Mwiiyi wesu Mupati.—Mt. 28:20.