Miswaangano Yamulimo ya November
Nsondo Iitalika mu November 4
Lwiimbo 4
10 min: Zyakwaambilizya zyambungano. Zyakwaambilizya Zisalidwe kuzwa mu Mulimo Wesu Wabwami. Amubandike lipooti yamulimo ya August ya cisi alimwi aya mbungano yanu.
15 min: “Sena Mulapandulula Jwi lya Leza Mbukweelede?” Kubuzya akwiingula. Amubikkilizye makani aali amutwe wakuti “Zifukwa zophunzirira Baibulo,” kuzwa mubbuku lya Kukambitsirana mapeeji 52-4.
20 min: “Mboobu Buumi Ubutamani.” (Maparagrafu 1-5) Mwamana kutalika makani cakukosaula-kosaula kuzwa muparagrafu ya 1, amwiite basikumwaya bobile basungu batondezye mbozibelesyegwa nzila zili mumaparagrafu 2-5. Amusinizye kwaamba mbaakani yakutalisya ciiyo ca Bbaibbele.
Lwiimbo 16 amupailo wakujala.
Nsondo Iitalika mu November 11
Lwiimbo 21
10 min: Zyakwaambilizya zyambungano. Lipooti yamaakkaunti.
20 min: Nkaambo Nzi Jehova Ncayelede Kupegwa? Mubandi akati kabaalu bobile, baambe twaambo tupati-pati ituli mucibalo cili mu Ngazi Yamulindizi ya Chicewa ya November 1, 1996 amapeeji 28-31. Antela alakonzya kuba makani aambwa amwaalu omwe.
15 min: “Mboobu Buumi Ubutamani.” (Maparagrafu 6-8) Amubandike bubotu bwakubelesya nzila iigaminina kutalisya ziiyo zya Bbaibbele. Amwiite basikumwaya bazibide batondezye mbozibelesyegwa nzila zili mumaparagrafu 6-7. Amulombe baswiilizi baambe ziindi nobakatalika ciiyo ciindi cakusaanguna kuswaya ncicona. Umwi mwaalumi naakalombwa kuyiisigwa wakati: “Inzya. Amunjile. Ndilayanda kwiiya.” Iciiyo cakatalikwa, nsondo yakatobela mukwasyi oonse wakakkala kuswiilila, tiikwakainda ciindi boonse bakatalika kusika kumiswaangano akuunka mumulimo wabukambausi. Amubakulwaizye boonse kuleta kkopi lyabo lyapepa lyamukati lya Mulimo Wesu Wabwami wa June 1996 ku Muswaangano Wamulimo wansondo iiboola.
Lwiimbo 18 amupailo wakujala.
Nsondo Iitalika mu November 18
Lwiimbo 26
10 min: Zyakwaambilizya zyambungano. Amwiindulule bubambe bwamulimo wamumuunda bwakumamanino aansondo.
15 min: “Tulitumidwe Mulimo.” Kubuzya akwiingula. Amwaambe cakukosaula-kosaula kujatikizya maparagrafu 13-16 mu Ngazi Yamulindizi yamu Chichewa ya January 1, 1988 amapeeji 28-9.
20 min: Ikweendelezya Ziiyo zya Bbaibbele Iziyabuyaambele. Makani apegwe amulangizi wamulimo. Twali kubelesya bbuku lya Luzibo mumulimo wakuyiisya Bbaibbele kumana kwa mwaka amazuba aindilila. Kulalangilwa kuti basikwiiya bamwi bakalimanizya kale kakuli bamwi batandila kumanizya bbuku. Twakakulwaizigwa kubikkila maanu kweendelezya ziiyo zibambilidwe kugwasya bapya kwiiya kasimpe kufwaambana, kukabelesya mubuumi bwabo akuba bamwi babasimbungano. Ipepa lyamukati lya Mulimo Wesu Wabwami wa June 1996 lyakatupa nzila zikonzya kutugwasya kuba bamayi babotu. Cakukosaula-kosaula amwiindulule kwaamba zintu zimwi zikonzya kutugwasya kuyiisya basikwiiya cabusongo, mbuli zili mumaparagrafu 3-13 mupepa lyamukati. Mpoonya amugame ceelede kucitwa kutegwa tubagwasye kubweza ntaamu iiluzi mbuli mbokutondezyedwe mumaparagrafu 14-22. Amubale maparagrafu 15, 17, 20-1. Amwiindulule kwaamba malipooti amwi mabotu aatondezya mpindu zibotu zyajanwa abasikumwaya banyenzi. Amubakulwaizye abamwi kutola lubazu mumulimo wakuyiisya Bbaibbele.
Lwiimbo 11 amupailo wakujala.
Nsondo Iitalika mu November 25
Lwiimbo 5
5 min: Zyakwaambilizya zyambungano.
15 min: “Sena Mwaabala Mali Aayandika?” Makani apegwe amwaalu.
10 min: Kabbokesi Kamubuzyo. Amubandike abaswiilizi.
15 min: Ino Bana Banu Baiya Nzi? Apegwe amwaalu. Amubuzye-buzye bana Amakani aali apeeji 114 alimwi a 115 aamu bbuku lyamakani Aa-Bbaibbele. Amubasunke bana-bana akubagwasya kubona mbobanga balo abazyali babo babelesya bbuku eli mumulimo wamumuunda mumwezi wa December. Imwaalu ulakonzya kupa makani kwamaminiti aali osanwe kujatikizya mboliyandika bbuku eeli kubuleya. Amubakulwaizye boonse kutola lubazu mumulimo wamumuunda mu December. Amubayeezye bazyali kuzumanana kugwasya bana babo basyoonto kutegwa beelele kuba basikumwaya batabbapatizidwe.
Lwiimbo 28 amupailo wakujala.