Ikukondwa Akaambo Kakuvwula Leza Nkwapa
1 Ibanakristo ba mumwaanda wamyaka wakusaanguna bakali bakambausi ba Bwami basungu. Bakakondwa ‘imbungano nozyakali kuyabuvuzigwa mazuba oonse.’ (Inc. 16:5) Ikukambauka kwabo kwabusicamba kwakasika aku Asia, Europe alimwi aku Afulika cakapa kuti kube butebuzi bubotu bwabasyomi.
2 Jesu wakasinsima kuti mumazubaa mamanino imulimo wabukambausi uyakucitwa ‘munyika yoonse akumisyobo yoonse’! (Mt. 24:14) Mukati ka mwaka wamulimo wa 1996 twakazumanana kutambula malipooti aakuvula kukondelelezya alimwi amweelwe waatala wabasikumwaya kuzwa mumasi nyika yoonse mbwiizulwa. Imbungano zinji zyatalikwa. Oku kuvwula kwacitika cakufwambaana kwapa kuti kuyandike kuyaka myaanda-myaanda ya Maanda aa Bwami a Maanda aa Miswaangano Mipati-pati alimwi akukomezya mitabi iili mbwiibede.
3 Mulimo Wesu Wabwami wa August 1996 wakaamba kujatikizya mayake aacitwa mu Afulika. Mbubwena buyo imilimo iyaambele mu Latin America yoonse mbwiizulwa. Mumwaka wa mulimo wa 1996 Mexico yaamba mweelwe waatala uugambya wabasikumwaya uusika ku 470,098 alimwi amweelwe waakati-kati wa ziiyo zya Bbaibbele uusika ku 600,751 walo uuyandika kutalika mbungano zipya izisika ku 466! Ikukomezya mutabi wabo kulangilwa kumana kumamanino a 1998. Ikuvwula kuliboobu mumasi ambi kunyina nokwapa kujoka munsi pe mumisyobo minji yamayake aa teokrasi.
4 Ikuyaka kwadula koonse-koonse alimwi bakwesu mumanyika manji tabajisi zinji zyobanga basanga zyakumubili. Nokuba boobo mubusungu bwabo bwamulimo wa Jehova masimpe balakomena kulubazu lwakumuuyaakuyungizigwa mumweelwe. Ibbuku lya Tusimpi 28:27 litusyomezya kuti “uuabila batengwana takooyoobula.” Ikusungwaala kwesu kukugwasya kuli zyeezi antoomwe amali aamayake cipa kuti “kweelanya” kwa zintu zyakumubili kukonzye kupa kuti boonse bakkomane akaambo kakupa akukondwa akaambo kakubona kuvwula Jehova nkwapa!—2 Kor. 8:14, 15; Inc. 20:35.
Cifwanikiso icili apeeji 4, 5]
Mutabi Waku Paraguay
Cifwanikiso icili apeeji 4]
Mutabi Waku Ecuador
Cifwanikiso icili apeeji 4, 5]
Mayake Aakuyungizya ku Mexico
Cifwanikiso icili apeeji 4, 5]
Mutabi waku Dominican Republic
Cifwanikiso icili apeeji 4]
Mutabi waku Brazil Abusena Bwakayu- ngizigwa
Cifwanikiso icili apeeji 4, 5]
Mutabi Waku Uruguay Ulimukuyakwa
Cifwanikiso icili apeeji 5]
Maanda aa Bwami aatayandiki mali manji mu Latin America
Zifwanikiso izili apeeji 5]
1. Brazil
2. Nicaragua
3. Chile
4. Colombia
5. Mexico
6. Brazil
7. Peru
8. Venezuela
9. Mexico