Miswaangano Yamulimo ya December
Nsondo Iitalika mu December 2
Lwiimbo 13
10 min: Zyakwaambilizya zyambungano. Zyakwaambilizya Zisalidwe kuzwa mu Mulimo Wesu Wabwami.
15 min: “Mbaani Bayooswiilila Mulumbe Wesu?” Kubuzya akwiingula. Mubikkilizye twaambo kuzwa mu Awake! ya March 22, 1987, ya Chichewa, apeeji 5 makani aajatikizya ncoukkomanisya mulumbe wesu.
20 min: “Kwaambilizya Makani Mabotu—Kubelesya Ibbuku Lyangu Lyamakani Aa-Bbaibbele (Mincali 1-5) Mutalike cibeela eci kubelesya muncali wa 1. Amwiite basikumwaya basungu batondezye mbozibelesyegwa nzila zili mumincali 2-5. Amulombe baswiilizi baambe mbuli (1) mibuzyo yabuzigwa mbuyagwasya kuti muntu ayande kuswiilila, (2) magwalo aabelesyegwa mbwaaendelana amakani aabandikwa, (3) lweendo lwakupilukila mbolwaendelana amubandi wakusaanguna, alimwi (4) mbocatalikwa ciiyo.
Lwiimbo 22 amupailo wakujala.
Nsondo Iitalika mu December 9
Lwiimbo 16
10 min: Zyakwaambilizya zyambungano. Lipooti ya maakkaunti.
15 min: Ikugwasya Bacembeede Kutola Lubazu Mumulimo. Ibanji basikumwaya bacembeede basyomeka balayandisya kutola lubazu mukukambauka ambungano, pele balaa mapenzi aakumubili aabapa kutacita obo akaambo kakukomena akuciswa-ciswa. Kuli nzila nzyotunga twatondezya kubikkila maanu kutegwa tubabikkilizye munkamu yamumulimo: Amubagwasye kumakani aabweende; amubape kubeleka busena bulaa maanda aamujulu masyoonto; amusiye moota munsi-munsi kutegwa kabapumunina mumo bakatala; amubaambile kuti muyoobasindikila munyendo zyabo zyakupilukila; amubazibye kuti mulakonzya kubatola kuŋanda ciindi nobalimvwa kukatala. Ibacembeede balalumba kulugwasyo ndobapegwa. Amwaambe azimbi nzila momutondezya kubikkila maanu mubusena momukkede. Amwiindulule twaambo tuli mucibalo cakuti, “We Appreciate the Older Ones!” icili mu Ngazi Yamulindizi yamu Cingisi ya February 1, 1986, mapeeji 28-9.
20 min: “Kwaambilizya Makani Mabotu—Kubelesya Ibbuku Lyangu Lyamakani Aa-Bbaibbele.” (Mincali 6-8) Amwaambe “Kanthu Kamene Kali Kofunika Kupezera Chipulumutso” mubbuku lya Kukambitsirana apeeji 97 mincali 1-4. Amupandulule nzila nzyotubelesya ncozyeelede kusinizya mbokuyandika kucita zintu kweendelana abusyomi bwesu. Amwiite sikumwaya atondezye mbozibelesyegwa nzila zili mumincali 6-7. Amusinizye kwaamba kuti makanze eesu kumamanino ngakuti tutalike ciiyo ca Bbaibbele mubbuku lya Luzibo.
Lwiimbo 26 amupailo wakujala.
Nsondo Iitalika mu December 16
Lwiimbo 23
10 min: Zyakwaambilizya zyambungano. Amupe nzila zimwi mbotunga twaingula myooni cabusongo mumazuba aakulyookezya. Amwaambe bubambe bwaalubazu bwa mulimo wamumuunda mu December 25.
15 min: “Kulisungula Camoyo Woonse.” Kubuzya akwiingula. Mubikkilizye atwaambo kuzwa mu Ngazi Yamulindizi yamu Chichewa ya May 1, 1984, peeji 22.
20 min: “Ikukondwa Akaambo Kakuvwula Leza Nkwapa.” Makani apegwe amwaalu cabusungu. Amwaambe zyakacitika naa bumboni bwakuvwula mumasi amwi mbuli apedwe muma Yearbook mapya.
Lwiimbo 15 amupailo wakujala.
Nsondo Iitalika mu December 23
Lwiimbo 20
10 min: Zyakwaambilizya zyambungano. Amwaambe twaambo tutalisya makani mumamagazini mapya tukonzya kubelesyegwa mumulimo ino nsondo. Amwaambe bubambe bwa mumulimo bwaalubazu mu January 1.
15 min: Ziyandika mumbungano. Naa mwaalu ape makani aakuti “Kupuma Pantchito—Khomo Lotseguka la Ntcitho Yateokrase?” kuzwa mu Ngazi Yamulindizi ya July 15, 1996, ya Chichewa amapeeji 24-5.—Mubone a Insight, Volume 2, peeji 794, mincali 2-3.
20 min: “Kulilembya mu Cikolo Camulimo Wateokrasi.” Makani apegwe amulangizi wacikolo. Amupe mweelwe wabantu balilembezyede mumbungano, amukulwaizye boonse bakonzya kulilembya. Amulange-lange malailile aazibeela zyabasicikolo aapedwe mu “Ndandanda ya Sukulu Yautumiki Wateokratiki ya 1997.” Amubakulwaizye boonse bajane makkopi abo beni aa Buku Lolangiza la Sukulu.
Lwiimbo 4 amupailo wakujala.
Nsondo Iitalika mu December 30
Lwiimbo 7
10 min: Zyakwaambilizya zyambungano. Ikuti naa mbungano yanu njiyeelede kucinca ciindi cakuswaangana mumwaka mupya amubayumye-yumye boonse caluzyalo kubalomba kuti bacince omo mweelede kutegwa bazumanane kujanika kumiswaangano lyoonse aciindi cipya cambungano.
20 min: Kabbokesi Kamubuzyo. Mubandi wakubuzya akwiingula. Amwaambe zilongezyo zijanika notutobela ziyandika zya teokrasi. Apegwe amwaalu uukkala mubusena bubelekelwa bwambungano. Mubikkilizye makani kuzwa mu Kabbokesi Kamubuzyo mu Mulimo Wesu Wabwami wamu May 1973.
15 min: Amulange-lange mabbuku aayoomwaigwa mu January. Amutondezye mabbuku ngoijisi mbungano. Amusale obilo naa otatwe anga ayelela kubelesya mubusena momubelekela. Ikubelesya bbuku lya Kukambitsirana amapeeji 9-14, cakukosaula-kosaula amwiindulule matalikilo aayelede kubbuku abbuku. Amutondezye mboibelesyegwa nzila yomwe naa zyobilo.
Lwiimbo 11 amupailo wakujala.