Miswaangano Yamulimo ya February
Nsondo Iitalika mu February 3
Lwiimbo 29
10 min: Zyakwaambilizya zyambungano. Zyakwaambilizya Zisalidwe kuzwa mu Mulimo Wesu Wabwami. Makani aa Teokrasi.
15 min: “Amutole Lubazu Mumulimo Uutakaindululwi Limbi.” Kubuzya akwiingula. Ikuti ciindi cazumizya, amubikkilizye atwaambo tujanika mucibalo citegwa “Keeping on the Watch—How?” amapeeji 714-15 mubbuku lya Proclaimers.
20 min: “Ikwaambilizya Makani Mabotu Munzila Yakubindaana.” (Mincali 1-5) Amana kupa majwi masyoonto aajatikizya muncali 1, mwaambi ulabandika mincali 2-5 abasikumwaya bobile naa botatwe. Balaindulula twaambo tupati-pati tujatikizya nzila zikulwaizigwa akupandulula ncezinga zyagwasya mulubazu lubelekwa lwambungano. Basikumwaya balainzyanya ikuliyiisya nzila ezyo. Mwaambi wabalumbaizya, wabakulwaizya mbuli mbozinga zyalondolwa nzila ezyo. Mpoona wabuzya baswiilizi inzila zinga zyapa kuti makanze aakutalisya ziiyo akonzeke. Ape mizeezo iigaminide yambuli mbokunga kwajanwa ziiyo mubbuku lya Luzibo imuya ciindi.
Lwiimbo 21 amupailo wakujala.
Nsondo Iitalika mu February 10
Lwiimbo 12
5 min: Zyakwaambilizya zyambungano. Lipooti yaakkaunti.
10 min: “Ikwaambilizya Makani Mabotu Munzila Yakubindaana” (Mincali 6-8) Amutondezye nzila izili mumincali 6-7. Amusimpye kwaamba mbokuyandika nyendo zyakupilukila ooko kwatondezyegwa kuyanda.
30 min: “Kuyandika Bapainiya Bakugwasilizya Ibali 6,000.” Mubandi wakubuzya akwiingula uucitwa amulangizi wamulimo. Amutondezye kabbokesi kali apeeji 3. Amulange-lange bubambe bwaciindi ibuli apeeji 6. Umwi aumwi sikumwaya uubbapatizidwe weelede kuyeeya mwini alimwi akucibikka mumupailo naa ulakonzya kulilembya mwezi omwe naa iinda awo. Basikumwaya batabbapatizidwe balakonzya kuyungizya lubazu ndobatola mumulimo kwiinda mukulibikkila mbaakani yabo beni aamawoola mwezi amwezi.
Lwiimbo 4 amupailo wakujala.
Nsondo Iitalika mu February 17
Lwiimbo 13
10 min: Zyakwaambilizya zyambungano. Amubandauke twaambo twakubandika mumamagazini mapya twalo itunga twabelesyegwa mumulimo insondo ino.
13 min: Ciibalusyo—Ciyanza Cipati Kapati! Kubuzya akwiingula. Amukulwaizye kuti mwezi wa March woonse ube waalubazu kwiinda mukucita bupainiya bwakugwasilizya.
22 min: Ikutalika Ziiyo zya Bbaibbele Zyaamunzi. Myezi misyoonto eyi yainda, kwasiigwa mabbuku aavwumbidwe aasika kumyaanda yazyuulu. Eci capa ntalisyo yaziiyo zya Bbaibbele zyaamunzi zinji. Amulange-lange mabbuku aakakonzeka kusiigwa ambungano yenu alimwi amalembe ambi. Amukulwaizye basikumwaya ikulingula bayanda boonse. Basikumwaya bali mbobabede abaluule munzila iigaminide ikusoleka nkobayandika kutegwa batalisye ziiyo zya Bbaibbele zipya zyaamunzi. Amusimpye kwaamba kuti cibeela cimwi cini-cini camulimo ngotutumidwe ncakucita bantu kuti babe basiciiya. (Mt. 28:19, 20) Eeci cilakonzya kucitwa kabotu kuti twasoleka kubelesya nzila zikulwaizigwa mupepa lyamukati lya Mulimo Wesu Wabwami wa June 1996.
Lwiimbo 16 amupailo wakujala.
Nsondo Iitalika mu February 24
Lwiimbo 3
18 min: Zyakwaambilizya zyambungano. Amwaambilizye mazina aabaabo boonse ibayoocita bupainiya bwakugwasilizya mu March. Amupandulule kuti tacinamana ciindi cakulembela. Amubakulwaizye boonse kuti bakatole lubazu luzwide mumulimo wamumuunda mubuzuba bwa Mujibelo, mu March 1. Amubandauke bubambe bumbi bucitwa ambungano ibwamiswaangano yamulimo wamumuunda mukati kamwezi. Amulange-lange Kabbokesi Kamubuzyo kabotu-kabotu.
12 min: “Mbuti Ino Basazinyoko?” Mulumi amukaintu babandika cibalo eci antoomwe akusala mbuli mbobayoosisya makani mabotu kubasazinyina batasyomi.—Amubone Ngazi Yamulindizi mu Chichewa iya February 15, 1990, mapeeji 25-7.
15 min: Amulange-lange Mabbuku Aakumwaya mu March—Inzila Yakujana Lukkomano Mumukwasyi. Cakukosaula-kosaula amwaambe twaambo ncaali mukufwa maanda mubuleya bwamazubaano. (Amubone Ngazi Yamulindizi mu Chichewa ya October 15, 1992, mapeeji 4-7.) Amulange-lange zili mukati kabbuku apeeji 3. Amulombe baswiilizi kuti basalaule zibalo izinga zyabelesyegwa mukusoleka nzila imwi yacitondezyo. Amutondezye kabbokesi kagwasya ikajanika kumamanino aacibalo cimwi acimwi. Umwi sikumwaya uucizi atondezye nzila yakusiya bbuku eli. Amubayeezye boonse kuti bajane makkopi aakubelesya kumamanino aansondo ino.
Lwiimbo 26 amupailo wakujala.