Miswaangano Yamulimo ya March
Nsondo Iitalika mu March 3
Lwiimbo 8
10 min: Zyakwaambilizya zyambungano. Zyakwaambilizya Zisalidwe kuzwa mu Mulimo Wesu Wabwami. Amupandulule bubambe bwamulimo wamumuunda wabuzuba bwakulyookezya bwa March 12. Amubakulwaizye boonse kuti batalike kutamba bayanda ku Ciibalusyo mu March 23.
15 min: “Yaka Iŋanda Yako.” Mibuzyo akwiingula. Amubikkilizye azyakuluula kuzwa mu 1995 Yearbook, peeji 228.
20 min: “Kugwasya Mikwasyi Kuti Ibe Abuumi Butamani Kumbele.” (Mincali 1-5) Amwaambe majwi masyoonto aajatikizya muncali 1, mpoona mubandike mbuli mbokunga kwabusyigwa luyandisyo lwabbuku lya Lukkomano Mumukwasyi kwiinda mukubelesya mitwe yazibalo, zifwanikiso zyamibala-mibala, alimwi atubbokesi twakwiindulula. Basikumwaya bacikonzya abamucitile citondezyo canzila zili mumincali 2-5. Amubakulwaizye boonse kuti basoleke cini-cini kusiya bbuku eli kumikwasyi yakatondezya luyando.
Lwiimbo 3 amupailo wakujala.
Nsondo Iitalika mu March 10
Lwiimbo 4
10 min: Zyakwaambilizya zyambungano. Lipooti yaakkaunti. Amubayeezye boonse kuti bakautobele mulongo wazibalo zya Bbaibbele zya Ciibalusyo uubikkilidwe March 18-23, mbuli butondezyedwe mu Kusanthula Malemba Tsiku ndi Tsiku.
20 min: “Amube Amyoyo Yakulumba.” Mibuzyo akwiingula. Boonse beelede kusolekesya kutamba basikwiiya Bbaibbele, ibantu bayandide, banamikwasyi batutambula kabotu, alimwi abakwesu abacizi batali mukuyanzana kukkalikide ambungano kuti bakajanike ku Ciibalusyo. Amupe majwi aakuyungizya kujatikizya Ngazi Yamulindizi yamu Chingisi ya July 1, 1988, peeji 11, mincali 16-17. Amubakulwaizye boonse abo ibakonzya kucita bupainiya bwakugwasilizya mu April amu May.
15 min: “Kugwasya Mikwasyi Kuti Ibe Abuumi Butamani Kumbele.” (Mincali 6-8) Amupe mizeezo imwi iitondezya mbokusolekwa kusiya bbuku lya Lukkomano Mumukwasyi, ciindi nokucitwa bukambausi bwamukwiizya kumilimo, kucikolo, mupaaki, muzyeendelo zyabuleya, alimwi anoswaigwa basazinyoko. Sikumwaya umwi uucikonzya amucitile citondezyo canzila zili mumuncali 6 alimwi a 7. Imubandi uujatikizya nyendo yakupilukila weelede kugwasya muntu kubona mbokunga kwayumya mukwasyi ikwiiya Bbaibbele. Kweelede kucitwa ziiyo zijatikizya broshuwa ya Ncinzi Leza Ncayanda Kulindiswe?, imakanze kaali akulonga kuya mubbuku lya Luzibo, antela ciiyo cilakonzya kutalikilwa mweena mubbuku lya Luzibo.
Lwiimbo 22 amupailo wakujala.
Nsondo Iitalika mu March 17
Lwiimbo 18
15 min: Zyakwaambilizya zyambungano. Amulange-lange “Ziyeezyo zya Ciibalusyo,” akupandulula bubambe bunyenzi bwa Ciibalusyo. Boonse beelede kumanizya kucita bubambe bwakugwasya basikwiiya Bbaibbele alimwi abantu bayandide kuti bakajanikeko. Amupandulule bubambe bwamulimo wamumuunda bwabuzuba bwakulyookezya bwa March 28.
15 min: Iziyandika zyambungano. Antela makani aapegwa amwaalu aajatikizya cibalo ca “Luumbulizyo Kubadyaaminidwe” mu Ngazi Yamulindizi ya November 1, 1996, mapeeji 3-5. Kuti mbungano yenu kiikanza kutola lubazu mukubeleka kulubazu lutantamukide mu July amu August, eci ciindi cilakonzya kubelesyegwa ikwiindulula lugwalo lwa January 1, 1997, lwalo lupandulula bubambe buli mukucitilwa mulimo oyu.
15 min: Amwiibelesye Kabotu 1997 Yearbook of Jehovah’s Witnesses. Wisi wiindulula twaambo tupati-pati tujanika amapeeji 3-9 antoomwe amukwasyi wakwe. Watondezya ncotukkomanina kubona lusumpuko lwateokrasi nyika yoonse mbwiizulwa. Wisi wapandulula mbobanga mumwaka uuboola banootola maminiti masyoonto buzubaa buzuba aciindi cakulya kuti babale cakuyaabutobelezya mu Yearbook alimwi akulanga-langa lugwalo lwabuzuba.
Lwiimbo 26 amupailo wakujala.
Nsondo Iitalika mu March 24
Lwiimbo 9
9 min: Zyakwaambilizya zyambungano. Amupandulule kuti tacinamana ciindi cakulembela bupainiya bwakugwasilizya mu April. Amupandulule bubambe bwakuyungizya ibucitilwa mulimo wamumuunda wambungano inyenzi mumwezi oyu.
24 min: “Sena Tuleelede Kubikkila Maanu Kubulondo?” (Kujatikizya mincali 1-11) Mibuzyo akwiingula. Icitwe amulembi.
12 min: Ikugwasya Basikumwaya Bapya Kutalika. Amwiindulule muncali 19 mupepa lyamukati lya Mulimo Wesu Wabwami wa June 1996. Amutondezye sikumwaya uucikonzya mbwanga wamugwasya kulibambila sikwiiya Bbaibbele wazwaa kuzuminwa abaalu kuti abe sikumwaya uutabbapatizidwe. Antoomwe balalanga-langa mubbuku lya Uministala Wathu, peeji 111, muncali 2. Sikumwaya uuzibide kale ulatondezya izilangilwa kucitika ciindi nokucitwa bukambausi bwakuŋandaa ŋanda akuti takuyandiki kutyompwa kuti bunji bwabantu batazumina. Sikumwaya waluula cimwi cakacitika icikulwaizya ikutondezya kukondwa ikuboola ciindi notujana muntu uusinizizye walo uuyanda kuswiilila. Antoomwe balalibambila nzila yomwe ifwaafwi, intete, yakusiya magazini akuyiindulula-indulula. Kupegwe majwi aakulwaizya aakulumbaizya alimwi kucitwe bubambe bwini-bwini bwakutola lubazu mumuunda nsondo ino.
Lwiimbo 23 amupailo wakujala.
Nsondo Iitalika mu March 31
Lwiimbo 16
15 min: Zyakwaambilizya zyambungano. Amutambe bayandide kuti bakajanike kumakani aalubazu mu April 6. Amubayeezye boonse ikupa lipooti yabo ya March. Amwaambilizye mazina aabaabo ibacita bupainiya bwakugwasilizya mu April. Amulange-lange Kabbokesi Kamubuzyo.
20 min: Amulibambile ikuyoojanika ku Muswaangano wa Cooko wa 1997. Mulembi weendelezya mubandi wamibuzyo akwiingula uujatikizya makani aamuswaangano aali mupepa lyamukati. Mbuli mbokwaambwa mucibalo eco, amwaambisye njiisyo zyamu Magwalo izijatikizya kutobela busolozi bwa Sosaiti. Amubalumbaizye bakwesu akaambo kakugwasya kwabo mububambe bwa Sosaiti.
10 min: Mabbuku Aakumwaya mu April. Amusole kumwaya kulembya kwa Ngazi Yamulindizi. Mubufwaafwi amwaambe mizeezo yambokulibambilwa nzila zyakusiya mamagazini eyo iipedwe mumincali 3, 4, alimwi a 8 apeeji 8 ya Mulimo Wesu Wabwami wa October 1996. Basikumwaya bobile abacite citondezyo canzila yomwe naa zyobile zifwaafwi. Basikumwaya beelede kubamba malembe aatondezya baabo ibazumina mamagazini akubabikka akati kabaabo batolelwa mamagazini lyoonse.
Lwiimbo 25 amupailo wakujala.