Miswaangano Yamulimo ya September
Nsondo Iitalika mu September 1
Lwiimbo 7
10 min: Zyakwaambilizya zyambungano. Zyakwaambilizya Zisalidwe mu Mulimo Wesu Wabwami. Amubandike lipooti yamulimo wamumuunda ya May yacisi alimwi ayambungano. Amwaambe mweelwe waatala wabasikumwaya mupya uutanasikidwe, alimwi mubakulwaizye basikumwaya akaambo kalubazu ndobakatola.
15 min: “Zintu Ziyandika Kapati Amuzibikke Ambele.” Kubuzya akwiingula. Ikuti naa kakucili ciindi amubandike makani aakuti “Ikubikka Zintu Zyeelede Ambele” aamu Awake! yamu February 22, 1987 mapeeji 8-9.
20 min: “Ikumwaya Bbuku Kubantu lya Inzila Yakujana Lukkomano Mumukwasyi.” Makani aakubandika mincali 1 alimwi a 6-8. Akube zitondezyo zyamincali 2-5. Amulomye kwaamba kuti makanze ayelede kubaa kugwasya bantu kuba basiciiya alimwi akutalisya ziiyo.
Lwiimbo 18 amupailo wakujala.
Nsondo Iitalika mu September 8
Lwiimbo 11
10 min: Zyakwaambilizya zyambungano. Lipooti yamaakkaunti.
10 min: Ziyandika zyambungano.
10 min: “Iziiyo zya Bbaibbele Zigwasya Bantu Kuba Basiciiya.” Makani.
15 min: Mwaalu wabandika makani aakuti “Amubakulwaizye Basikwiiya Kuti Balyaabe Akubbapatisigwa” (km 6/96 ipepa lyamukati, mincali 20-2) antoomwe abasikumwaya basimide ibajisi ziiyo zya Bbaibbele nzyobeendelezya.
Lwiimbo 2 amupailo wakujala.
Nsondo Iitalika mu September 15
Lwiimbo 22
10 min: Zyakwaambilizya zyambungano.
15 min: Amwaabelesye Cini-Cini Mavidiyo. Amwaalange-lange malailile aajatikizya kubelesya mavidiyo aa Sosaiti alimwi muluule zimwi zintu zyakacitika mucilawo canu izitondezya mbwaabelesegwa cini-cini mavidiyo mumikwasyi yesu alimwi amumulimo wakukambauka.
20 min: Sena Mulaibelesya Broshuwa Yakuti Bakamboni ba Jehova Kumakani Aalwiiyo? Mwaalu ubandika cibalo icili amapeeji 27-31 abazyali bamwi abana. Baluula zintu zyakabacitikila nobakali kubelesya broshuwa ya Lwiiyo.
Lwiimbo 16 amupailo wakujala.
Nsondo Iitalika mu September 22
Lwiimbo 3
8 min: Zyakwaambilizya zyambungano.
17 min: Mboutalikwa Mubandi. Ikuzwidilila kwesu mumulimo wakukambaukila bantu kujisilidi aakubaa mubandi weelede ambabo. Ikuti naa katukonzya kwaamba cintu cikulwaizya bantu kuswiilila, caamba kuti twazunda penzi limwi lipati litukatazya notuli mubumboni. Amubandike abaswiilizi malailile aagwasya kapati aamu School Guidebook, ciiyo 16, mincali 11-14. Akube basikumwaya basimide alimwi ibacibwene kutalisya mibandi, aabo ibataambe majwi aamatalikilo ngobabelesya nobaambaula aabantu aba mbuli (1) muntu weenda amaulu mumugwagwa, (2) muntu uutantide bbaasi, (3) kalaliki uulimukubeleka muofesi, (4) sikuula zintu mumantoolo waswaanganinwa acilawo aasiilwa myootokala, (5) muntu uukkede acuuno mupaaki, alimwi (6) amuntu ngomusola kubandika awe mubumboni bwaaluwaile.
20 min: Amubandike Lipooti Yamulimo Yambungano ya 1997. Mulangizi wamulimo ulumbaizya mbungano kumulimo ngoyacita mubotu, ikapati mumyezi ya March, April alimwi a May. Amupe malailile aazwa kukabunga kabaalu alimwi aamulipooti yaino-ino yakazwa kumulangizi wabbazu aakulwaizya kuyungizya mulimo wamumuunda alimwi akucita ziiyo zya Bbaibbele. Amwaambe makanze aanga akonzeka mumwaka wamulimo mupya, ikubikkilizya akutalisya alimwi akucita ziiyo zya Bbaibbele antoomwe abupainiya bwakugwasilizya mumyezi iijisi nsondo zili zyosanwe—November, May, August.
Lwiimbo 12 amupailo wakujala.
Nsondo Iitalika mu September 29
Lwiimbo 9
15 min: Zyakwaambilizya zyambungano. Boonse amubayeezye kuleta malipooti aabo aamulimo wamumuunda. Amubaambile kuti tuyootalika kwiiya bbuku lya Lukkomano Mumukwasyi nsondo iboola muciiyo cabbuku cambungano, tuyoozumana akale mu Ibbuku Lyangu. Ikulibambila mulimo wakumwaya mamagazini mu October, amubandike mbokuyandika ‘Kuvwuntauzya Bube Bwacilawo Ncomupedwe,’ ‘Akuziba Mamagazini Ngomujisi,’ ‘Akulibambila Majwi Ngomuya Kutalisya,’ ‘Akweendelezya Zintu Kweelana Aciimo Caulaa Ŋanda.’ “Amugwasyanye” aamu Mulimo Wesu Wabwami wamu October 1996, apeeji 8.
15 min: Mwaalu abandike Kabbokesi Kamubuzyo. Ikutegwa tugwasigwe amakani aabuleya aabandikwa, toonse atuyeeyesye mitwe yamakani aatibandikwe. Nomutanaunka kumuswaangano Wamakani Aabuleya, amusole kuyeeya makani mapya aazwa mumakani aateokrasi aamwaidwe aajatikizya kaambo kabandikwa. Mpoonya nomuswiilila amulangile mubone mbwaatibandikwe makani aaya. Amubone nzila zipya zyakubandika makani aaya kumbele aamazuba. Eeci inga camugwasya kapati naabandikwa makani aabuleya aayo aakabambululwa. Ino-ino iba Sosaiti baacinca makani manji aabuleya. Babikkilizya twaambo tupya, alimwi twaambo tupati-pati twasalazigwa. Ikutegwa mbungano igwasigwe kapati kumakani aaya mapya, bakwesu babandika makani aabuleya beelede kubelesya buyo makani aakosawidwe mapya muciindi cakubelesya makani ngobakalibambila kaindi. Lugwalo lwa Isaya 65:13, 14 lwaamba kuti ciyabulibonya kuti bantu ba Leza baya buyaambele munzila yakumuuya. Bubambe bwakuti kakuli makani aabuleya buli akati kanzila zinji ‘nzyotuyiisigwa Jehova.’—Is. 54:13.
15 min: Amulemenezye Mulimo Wanu. Mubandi uubandikwa antoomwe abaswiilizi wamubbuku lya Uminisitala Wathu, aamapeeji 81-4. Amubuzye mibuzyo eyi kutondezya twaambo tupati-pati: (1) Ino tugwasigwa buti mukutobela cikozyanyo ca Jesu? (2) Ino mukuli wesu wakukambauka uyandika kapati buti? (3) Ino ncinzi cakapa kuti tulyaabe kuli Jehova? (4) Nkulilemeka kwamusyobo nzi kuyandika kutegwa muntu abelekele Leza? (5) Ino inga twaiya nzi kunzila Jesu njaakali kukambauka?
Lwiimbo 21 amupailo wakujala.