Miswaangano Yamulimo ya January
Nsondo Iitalika mu January 4
Lwiimbo 13
10 min: Zyakwaambilizya zyambungano. Zyakwaambilizya Zisalidwe kuzwa mu Mulimo Wesu Wabwami.
15 min: “Amwaabelesye Kabotu Mabbuku Aakaindi.” Kubuzya akwiingula. Amwaambe mabbuku aakaindi ngomucijisi mumbungano. Amwaambe zintu zikondelezya mulingawo, mupandulule mbwaanga amwaigwa kuli bamwi. Amubakulwaizye boonse kumwaya mabbuku aya mumulimo wamumuunda alimwi anobacita bumboni bwamukwiizya mu January. Amubikkilizye acitondezyo cifwaafwi alimwi cuuba-uba.
20 min: Ikusala Camulawo Kusilikwa Kakunyina Kubikkwa Bulowa (Inc. 15:28, 29). Makani akananwe amwaalu weelela kujatikizya lugwalo lwakazwa ku Sosaiti lwamu November 16, 1992. Kkaadi ya Advance Medical Directive/Release: Wamana muswaangano oyu, Bakamboni babbapatizidwe balapegwa kkaadi mpya alimwi aabo ibajisi bana baniini batabbapatizidwe balapegwa Kkaadi Yacizibyo naa Identity Card yamwana omwe-omwe. Aaya makkaadi taakoolembwa mbubwena buzuba obu pe. Akalembelwe kuŋanda kabotu-kabotu, pele ATAKASAINWI pe. Ikusainwa kumbele lyabakamboni alimwi akubikkwa deeti kwamakkaadi oonse kuyoocitilwa ku Ciiyo Cabbuku Cambungano caakumana kucitwa, kalangilila sikucitya ciiyo cabbuku. Kakutanasainwa, amubone kwaamba kuti zyoonse ziyandika kulemba zyalembwa amakkaadi. Aabo basaina aalubazu lwabakamboni beelede kumubona buya mwini kkaadi kasaina kkaadi. Kwiinda mukubelesya majwi aali akkaadi eyi kweelana aciimo ncobabede alimwi alusyomo lwabo, basikumwaya batabbapatizidwe balakonzya kulilembela kkaadi yabo njobanoobelesya abana babo. Basikucitya ciiyo cabbuku beelede kubamba mulongo wakubona kwaamba kuti boonse bali munkamu yabo bagwasigwa mbuli mbobayandika kulemba kkaadi ya Advance Medical Directive/Release. Ikutegwa mukwabililwe amulawo, eyi kkaadi yeelede kulembwa moonse muyandika kulemba.
Lwiimbo 20 amupailo wakujala.
Nsondo Iitalika mu January 11
Lwiimbo 6
10 min: Zyakwaambilizya zyambungano. Lipooti yamaakkaunti.
20 min: “Makanzeesu—Ikupona Munzila Njayanda Jehova.” Makani. Amubakulwaizye boonse kunoojanika lyoonse kumiswaangano yambungano yoonse yosanwe yansondo ansondo.
15 min: “Amukkazike Myoyo.” Mubandi akati kabanamukwasyi bobile. Balabandika nzila nzyobanga batondezya camba kapati mumulimo wabo. Babikkilizya amajwi aayelede kuzwa mu Ngazi Yamulindizi yamu Chichewa yamu June 15, 1995.
Lwiimbo 11 amupailo wakujala.
Nsondo Iitalika mu January 18
Lwiimbo 4
5 min: Zyakwaambilizya zyambungano.
10 min: Ziyandika zyambungano.
15 min: “Balangizi Basololela—Basikucitya Ciiyo Cabbuku Cambungano.” Makani akananwe asikucitya ciiyo cabbuku uujisi cikozyanyo cibotu, akanane mikuli yakwe. Ulatondezya mulimo oyu mbougwasilizya kuti mbungano iye ambele munzila yakumuuya. Ulabikkilizya majwi aayandika kapati kuzwa mubbuku lya Tuliyanzene Kukumanizya Mulimo Wesu, amapeeji 43-5, 74-6.
15 min: “Ikutalisya Ziiyo Mubroshuwa ya Ncayanda.” Kubuzya akwiingula.
Lwiimbo 26 amupailo wakujala.
Nsondo Iitalika mu January 25
Lwiimbo 23
10 min: Zyakwaambilizya zyambungano.
15 min: “Mweelwe Wamawoola Aayandika Kubapainiya Wacinca.” Makani aakananwa amwaalu. Amubalumbaizye bapainiya mumbungano alimwi amukulwaizye abasikumwaya bambi kutalika mulimo wabupainiya bwakugwasilizya abwaciindi coonse, kweelana abubambe bwakuyungizya mulimo mu March, April alimwi a May. Amubikkizye amakani aamupepa lyamukati lyamu Mulimo Wesu Wabwami wamu February 1997.
20 min: “Sena Inga ‘Mwazubukila ku Makedoniya Kuyoobagwasya’?” Ikubuzya akwiingula kucitwe a Mulangizi Wamulimo. Amukanane zyakuluula zyabaabo ibakalongela kumasena kuyandika lugwasyo. Amubakulwaizye boonse aabo ibakonzya, kuti balongele kubusena buli boonse kuyandika lugwasyo ibutondezedwe amulongo.
Lwiimbo 7 amupailo wakujala.